Mazkur mashg‘ulot harbiy xizmatchi va xodimlar ishtirokida o‘tkazilib, unda dunyo va mintaqadagi harbiy-siyosiy vaziyat, harbiy intizom, harbiy xizmatchilar o‘rtasidagi o‘zaro munosabatlarni mustahkamlash, harbiy texnika va qurol-aslahalar bilan muomalada bo‘lganda xavfsizlik talablariga rioya etish borasida maʼruzalar tinglandi. Shuningdek, O‘zbekiston Respublikasi Qurolli Kuchlarida olib borilayotgan islohotlar va yangilanishlar to‘g‘risida alohida to‘xtalib o‘tildi. Tadbir so‘nggida yangi o‘quv yili mavsumida barcha bo‘linmalardan o‘z xizmat majburiyatlariga va qilgan qasamyodlariga sodiq qolgan holda, fuqarolarimizni tinchligi va xavfsizligini taʼminlashlariga, shu bilan bir qatorda, o‘tkazilayotgan musobaqalarda faol ishtirok etib, yuqori marralarni egallashlariga ishonch bildirildi.

Maʼlumot uchun:2023-2024 o‘quv yilida maʼnaviy-maʼrifiy tayyorgarlik oldida turgan asosiy vazifalar sifatida harbiy xizmatchilarni O‘zbekiston xalqi va Prezidentiga sadoqat ruhida tarbiyalash, intellektual salohiyat, maʼnaviy boylik va axloqiy poklikni o‘zida mujassam etgan barkamol shaxsni shaklantirish; milliy xavfsizlik, harbiy qurilish va Qurolli Kuchlarni isloh qilish sohasida olib borilayotgan ishlar, tegishli qonunlar, meʼyoriy huquqiy hujjatlar va O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Sh.M.Mirziyoev bayon etayotgan davlat siyosatining mazmun-mohiyatini tushuntirib borish; harbiy xizmatchilarda milliy o‘zlikni anglash tuyg‘usini rivojlantirib, ularni milliy ruhda tarbiyalash; jahonda ro‘y berayotgan jarayonlardan xabardor qilish belgilangan.