MILLIY GVARDIYA IXTISOSLASHTIRILGAN O‘QUV MARKAZIDA NAVBATDAGI BITIRUV MAROSIMI
Milliy gvardiya Ixtisoslashtirilgan o‘quv markazida “Mutaxassislarni tayyorlash kursi”da tahsil olgan harbiy xizmatchi va xodimlarning bitiruv marosimi bo‘lib o‘tdi.
Tadbirda o‘quv markazi boshlig‘i polkovnik X.Dadabayev o‘quv kursini muvaffaqiyatli yakunlagan bitiruvchilarni muborakbod etib, kurs davomida egallagan bilim va malakalar asosida imtihonlarni ijobiy topshirgan bitiruvchilarga sertifikatlarni taqdim etdi.
Tadbir yakunida Milliy gvardiya Toshkent shahar boshqarmasi harbiy qismlari, Ichki ishlar vazirligi Xalqaro aeroportlarda xavfsizlikni ta’minlash bo‘yicha qo‘shinlari va Qorovul qo‘shinlari bo‘linmalarida harbiy xizmatni o‘tayotgan harbiy xizmatchi va xodimlar ushbu dargohda olgan bilimlarini xizmat faoliyati davomida keng foydalanishga va o‘z ustida ishlashdan to‘xtamasliklarini bildirib, ta’lim bergan ustoz va murabbiylarga o‘z minnatdorchiliklarini izhor etdilar.