МИЛЛИЙ ГВАРДИЯ ИХТИСОСЛАШТИРИЛГАН ЎҚУВ МАРКАЗИДА НАВБАТДАГИ БИТИРУВ МАРОСИМИ
Миллий гвардия Ихтисослаштирилган ўқув марказида “Мутахассисларни тайёрлаш курси”да таҳсил олган ҳарбий хизматчи ва ходимларнинг битирув маросими бўлиб ўтди.
Тадбирда ўқув маркази бошлиғи полковник Х.Дадабаев ўқув курсини муваффақиятли якунлаган битирувчиларни муборакбод этиб, курс давомида эгаллаган билим ва малакалар асосида имтиҳонларни ижобий топширган битирувчиларга сертификатларни тақдим этди.
Тадбир якунида Миллий гвардия Тошкент шаҳар бошқармаси ҳарбий қисмлари, Ички ишлар вазирлиги Халқаро аэропортларда хавфсизликни таъминлаш бўйича қўшинлари ва Қоровул қўшинлари бўлинмаларида ҳарбий хизматни ўтаётган ҳарбий хизматчи ва ходимлар ушбу даргоҳда олган билимларини хизмат фаолияти давомида кенг фойдаланишга ва ўз устида ишлашдан тўхтамасликларини билдириб, таълим берган устоз ва мураббийларга ўз миннатдорчиликларини изҳор этдилар.
