MILLIY GVARDIYA QOʻMONDONINING YANGI YIL TABRIGI
Milliy gvardiya harbiy xizmatchi va xodimlarini, ta’lim muassasalari professor-o‘qituvchilarini, kursant va o‘quvchilarini, soha faxriylarini, ishchi-xizmatchilarni hamda yurtimiz tinchligini himoya qilib, xizmat burchini bajarish chog‘ida halok bo‘lgan harbiy xizmatchi
va xodimlarning oila a’zolarini, kirib kelayotgan Yangi - 2023 yil bilan samimiy tabriklayman!
O‘tib borayotgan yilni kuzatar ekanmiz, yil davomida bo‘lib o‘tgan voqealarni, amalga oshirilgan ishlarimizni sarhisob qilamiz.
Davlatimizda amalga oshirilgan keng qamrovli islohotlar bilan birgalikda, O‘zbekiston Respublikasi Milliy gvardiyasida ham o‘tgan yillarda salmoqli ishlar amalga oshirildi.Milliy gvardiyaning faoliyat doirasi kengayib, uning huquqiy mexanizmlari takomillashib bormoqda.
O‘tgan yil mobaynida Milliy gvardiyaning fidoyi harbiy xizmatchi va xodimlari mamlakatimizda jamoat tartibi va xavfsizlikni saqlash, aholini tinchligi va osoyishtaligini ta’minlash, yoshlar orasida sportni yanada ommalashtirish, ota-ona qaramog‘idan mahrum bo‘lgan bolalarni oila bag‘riga qaytarish kabi ishlarda faol qatnashib xalqimiz, Davlatimiz rahbari va hukumatimizning ishonchini qozondi.
Milliy gvardiya saflaridagi barcha shaxsiy tarkib “Burch, sadoqat, jasorat” shiori ostida Vatanimiz tinchligi, osoyishtaligi, jamoat tartibi va xavfsizligini saqlashda o‘zlarining shijoati,
kuch-g‘ayratini safarbar etib, bildirilgan ishonchni oqlaydilar.
Zero, muhtaram Prezidentimizning murojaatnomasida e’lon qilgan “Insonga e’tibor va sifatli ta’lim yili” da oldimizda bir qator ustuvor vazifalar va yangi marralar turibdi. Bularga faqatgina mashaqqatli va jasoratli xizmat orqali erishamiz.
Fursatdan foydalanib, sizlarga va oila a’zolaringizga
mustahkam sog‘lik, tinchlik xotirjamlik, xonadoningizga farovonlik tilayman.
Inson qadri ulug‘ bo‘lgan diyor – Yangi O‘zbekistonimiz va bag‘rikeng xalqimiz hamisha omon bo‘lsin!
Yangi – 2023 yil barchaga omad va baxt olib kelsin!
