Миллий гвардия ҳарбий хизматчи ва ходимларини, таълим муассасалари профессор-ўқитувчиларини, курсант ва ўқувчиларини, соҳа фахрийларини, ишчи-хизматчиларни ҳамда юртимиз тинчлигини ҳимоя қилиб, хизмат бурчини бажариш чоғида ҳалок бўлган ҳарбий хизматчи
ва ходимларнинг оила аъзоларини, кириб келаётган Янги - 2023 йил билан самимий табриклайман!

Ўтиб бораётган йилни кузатар эканмиз, йил давомида бўлиб ўтган воқеаларни, амалга оширилган ишларимизни сарҳисоб қиламиз.

Давлатимизда амалга оширилган кенг қамровли ислоҳотлар билан биргаликда, Ўзбекистон Республикаси Миллий гвардиясида ҳам ўтган йилларда салмоқли ишлар амалга оширилди.Миллий гвардиянинг фаолият доираси кенгайиб, унинг ҳуқуқий механизмлари такомиллашиб бормоқда.

Ўтган йил мобайнида Миллий гвардиянинг фидойи ҳарбий хизматчи ва ходимлари мамлакатимизда жамоат тартиби ва хавфсизликни сақлаш, аҳолини тинчлиги ва осойишталигини таъминлаш, ёшлар орасида спортни янада оммалаштириш, ота-она қарамоғидан маҳрум бўлган болаларни оила бағрига қайтариш каби ишларда фаол қатнашиб халқимиз, Давлатимиз раҳбари ва ҳукуматимизнинг ишончини қозонди.

Миллий гвардия сафларидаги барча шахсий таркиб “Бурч, садоқат, жасорат” шиори остида Ватанимиз тинчлиги, осойишталиги, жамоат тартиби ва хавфсизлигини сақлашда ўзларининг шижоати,
куч-ғайратини сафарбар этиб, билдирилган ишончни оқлайдилар.

Зеро, муҳтарам Президентимизнинг мурожаатномасида эълон қилган “Инсонга эътибор ва сифатли таълим йили” да олдимизда бир қатор устувор вазифалар ва янги марралар турибди. Буларга фақатгина машаққатли ва жасоратли хизмат орқали эришамиз.

Фурсатдан фойдаланиб, сизларга ва оила аъзоларингизга
мустаҳкам соғлик, тинчлик хотиржамлик, хонадонингизга фаровонлик тилайман.

Инсон қадри улуғ бўлган диёр – Янги Ўзбекистонимиз ва бағрикенг халқимиз ҳамиша омон бўлсин!

Янги – 2023 йил барчага омад ва бахт олиб келсин!