Milliy gvardiya Xotin-qizlar jamoatchilik kengashi aʼzolari tomonidan ayollarga ijtimoiy-huquqiy va psixologik yordam ko‘rsatilmoqda
Milliy gvardiya Buxoro viloyati bo‘yicha boshqarmasi harbiy xizmatchilari tomonidan xotin-qizlarning huquqlari va qonuniy manfaatlarini himoya qilish, ularning muammolarini o‘z vaqtida aniqlash, muhtoj bo‘lgan va og‘ir ijtimoiy ahvolga tushib qolgan ayol-qizlarga ijtimoiy-huquqiy va psixologik yordam ko‘rsatish maqsadida Buxoro shahridagi “qizil” toifadagi mahallalar bo‘ylab doimiy ravishda psixoprofilaktik tadbirlar amalga oshirib kelinmoqda.
Xususan, Buxoro shahar “A.Donish”, “Yoshlik” hamda “To‘qimachi” MFY hududida isiqomat qiluvchi 104 nafar “Ayollar daftari” ga kiritilgan xotin-qizlar bilan suhbat olib borilib, ularning huquqlari va qonuniy manfaatlarini himoya qilishda maqsadida qonun hujjatlari bilan belgilangan huquqlarini tushuntirilib, yo‘l-yo‘riqlar ko‘rsatilmoqda.
Shuningdek, ayollarga nisbatan jismoniy yoki ruhiy zo‘rlik ishlatish ehtimoli mavjud oilalarda profilaktik tushuntirish ishlari olib borilib, bunday holatlar aniqlanganda xotin-qizlarning huquq va manfaatlari qonun bilan himoya qilingani, huquqni muhofaza qiluvchi organlar ularga har qanday holda ko‘maklashishi va psixologik yordam olishi uchun barcha sharoitlar mavjudligi bildirildi. Bu kabi tizimli ishlar mahallalarda xonadonbay ishlash tamoyili asosida amalga oshirilmoqda. Xotin-qizlar bilan suhbat chog‘ida aniqlangan muammolarni hal qilish bo‘yicha maʼlum oilalarga tegishli mutaxassislar biriktirildi.
