Миллий гвардия Хотин-қизлар жамоатчилик кенгаши аъзолари томонидан аёлларга ижтимоий-ҳуқуқий ва психологик ёрдам кўрсатилмоқда
Миллий гвардия Бухоро вилояти бўйича бошқармаси ҳарбий хизматчилари томонидан хотин-қизларнинг ҳуқуқлари ва қонуний манфаатларини ҳимоя қилиш, уларнинг муаммоларини ўз вақтида аниқлаш, муҳтож бўлган ва оғир ижтимоий аҳволга тушиб қолган аёл-қизларга ижтимоий-ҳуқуқий ва психологик ёрдам кўрсатиш мақсадида Бухоро шаҳридаги “қизил” тоифадаги маҳаллалар бўйлаб доимий равишда психопрофилактик тадбирлар амалга ошириб келинмоқда.
Хусусан, Бухоро шаҳар “А.Дониш”, “Ёшлик” ҳамда “Тўқимачи” МФЙ ҳудудида исиқомат қилувчи 104 нафар “Аёллар дафтари” га киритилган хотин-қизлар билан суҳбат олиб борилиб, уларнинг ҳуқуқлари ва қонуний манфаатларини ҳимоя қилишда мақсадида қонун ҳужжатлари билан белгиланган ҳуқуқларини тушунтирилиб, йўл-йўриқлар кўрсатилмоқда.
Шунингдек, аёлларга нисбатан жисмоний ёки руҳий зўрлик ишлатиш эҳтимоли мавжуд оилаларда профилактик тушунтириш ишлари олиб борилиб, бундай ҳолатлар аниқланганда хотин-қизларнинг ҳуқуқ ва манфаатлари қонун билан ҳимоя қилингани, ҳуқуқни муҳофаза қилувчи органлар уларга ҳар қандай ҳолда кўмаклашиши ва психологик ёрдам олиши учун барча шароитлар мавжудлиги билдирилди. Бу каби тизимли ишлар маҳаллаларда хонадонбай ишлаш тамойили асосида амалга оширилмоқда. Хотин-қизлар билан суҳбат чоғида аниқланган муаммоларни ҳал қилиш бўйича маълум оилаларга тегишли мутахассислар бириктирилди.
