MILLIY GVARDIYANING JIZZAX VILOYATI BO‘YICHA BOSHQARMASIDA “OCHIQ ESHIKLAR” KUNI TADBIRI BO‘LIB O‘TDI
Joriy yilning 3 dekabr kuni Milliy gvardiyaning Jizzax viloyati bo‘yicha boshqarmasida viloyatdagi harbiy vatanparvarlik yo‘nalishiga ixtisoslashtirilgan sinflar uchun “OCHIQ ESHIKLAR KUNI” tadbiri bo‘lib o‘tdi. Tadbirda 150 dan ortiq o‘quvchi yoshlar ishtirok etib, ular uchun bugungi kunda Milliy gvardiya tizimida xizmat qilayotgan harbiy xizmatchilarga yaratilayotgan imkoniyatlar, zamonaviy qurol-aslahalar, harbiy texnikalar va maxsus vositalar bilan yaqindan tanishtirildilar.
Shuningdek tadbir davomida mutaxassis kinolog va kavaleristlar, mohir kamonbozlar tomonidan mahorat darslari o‘tilib, o‘quvchilarga turli ko‘rinishdagi chiqishlar namoyish etishdi.
Tadbirning eʼtiborli tomoni shunda bo‘ldiki, bugungi kunda Milliy gvardiya tizimida yangi joriy qilingan “O‘ZBEK MILLIY JANG SANʼATI” aʼzolarining o‘zlariga xos bo‘lgan jangovar chiqishlari orqali tadbir ishtirokchilarini o‘ziga rom etdi. Bo‘lib o‘tgan tadbir davomida o‘quvchi yoshlarimiz o‘zlari uchun qiziqarli bo‘lgan savollariga javoblar oldilar.
