Mazkur tadbir mutaxassislar va OAV xodimlari o‘rtasidagi ochiq muloqaat tarzida bo‘lib o‘tdi. Unda  O‘zbekiston “Tentpegging” sport federatsiyasi raisi Nodirbek Ibragimov tomonidan mamlakatimizda zotdor Qorabayir  otlarini ko‘paytirish, xalqaro musobaqalarda ishtirokini taʼminlash maqsadida tashkil etilgan yangi federatsiya aholi ayniqsa,yoshlar va harbiy xizmatchilarni  ushbu sport turiga keng jalb etish maqsadida tashkil etilgan bo‘lib, bugungi kunda  sportchilarni hamda otlarni nufuzli musobaqalarga tayyorlash maqsadida malakali murabbiylarni tayyorlash borasida ham tizimli ishlar amalga oshirilganligi taʼkidlandi.

Shuningdek, ushbu sport turi hozirgi kunda Osiyo va Yevropa davlatlarida juda ommalashgan bo‘lib, ishtirokchilar yakka yoki jamoaviy tarzda musobaqalarda ishtirok etishlari mumkinligi to‘g‘risida misollar bilan maʼlumotlar berildi.

Tendpegging sporti harbiy xizmatchilarning jismoniy shayligini yana-da mustahkamlashga xizmat qilishi bilan ahamiyatli bo‘lsa ot sportining har qanday turi inson salomatligini yaxshilash va ko‘plab kasalliklarni davolashda juda foydali mashg‘ulot ekanligi taʼkidlandi.

O‘zaro savol javoblar tarzida o‘tgan muloqotlardan so‘ng jurnalistlar uchun davom ettirilgan press-turda  mazkur sport turi bo‘yicha ko‘rgazmali chiqishlar namoyish etildi. Otlar bilan tillasha olgan harbiy xizmatchilarning mahorati, nayza va shamshir yordamida belgilangan nishonlarni aniq nishonga olishlarida namoyon bo‘ldi.

Hozirgi kunga kelib 60 bosh Qorabayir zotli otlar parvarish qilinayotgan bo‘lib, kelgusida ular   Milliy gvardiya otliq eskadroni harbiy xizmatchilari tomonidan nufuzli musobaqalarga tayyorlanadi.