Milliy gvardiya hududiy bo‘linmalari tomonidan umumtaʼlim maktablarda vatanparvarlik va sport tadbirlari tashkil etildi.
Toshkent shahri
Milliy gvardiyaning zamonaviy futbol o‘yingohida yoshlar o‘rtasida sportning mini futbol turi bo‘yicha Milliy gvardiya Toshkent shahri bo‘yicha boshqarmasi boshlig‘i kubogi bo‘lib o‘tdi.
Unda jami 8 ta jamoa ishtirok etib, g‘oliblik uchun kuch sinashdilar.
Musobaqaning final uchrashuvida o‘zaro to‘qnashgan 22-sonli Mehribonlik uyi tarbiyalanuvchilari va muddatli harbiy xizmatchilar jamoalari tomoshabinlarga hayajonli 30 daqiqani taqdim etishdi. Yakuniy natijaga ko‘ra 2:0 hisobida tarbiyalanuvchilar jamoasi musobaqaning g‘oliblik shohsupasini qo‘lga kiritdi.
Yakunda g‘olib jamoalarga boshqarma boshlig‘ining kubogi, diplom va esdalik sovg‘alari topshirildi.
———
Sirdaryo viloyati
Yoshlarni vatanparvarlik ruhida tarbiyalash, ular orasida sog‘lom turmush tarzini targ‘ib qilish, shuningdek, muassasada dam olish kunini mazmunli va maroqli o‘tkazilishini taʼminlash maqsadida Milliy gvardiya Sirdaryo viloyati bo‘yicha boshqarmasi muddatli harbiy xizmatchilari va Respublika o‘g‘il bolalar o‘quv-tarbiya muassasasi tarbiyalanuvchilari bilan o‘zaro sport musobaqalari o‘tkazildi.
Ushbu sport tadbirlari davomida ishtirokchilar sportning futbol, shaxmat, shashka, stol tennisi, tosh ko‘tarish va arqon tortish turlari bo‘yicha o‘zaro bellashdilar.
Musobaqa yakunida faol ishtirok etgan bolalarga faxriy yorliqlar topshirildi.
————
Jizzax viloyati
Joriy yilning 12 fevral kuni Jizzax viloyati Sharof Rashidov tumani bolalar va o‘smirlar sport maktabda "Sport sog‘liq garovi" shiori ostida qo‘l jangi sport turi bo‘yicha tumaning 14-16 yoshli bolalar o‘rtasida "Tuman birinchiligi" musobaqasi o‘tkazildi.
Mazkur tadbirga yosh sportchilarlar keng jalb qilinib, ularning har biriga o‘z imkoniyatini sinovdan o‘tkazishlari uchun barcha sharoitlar yaratildi
————
Xorazm viloyati
Joriy yilning 12-fevral kuni Milliy gvardiya Xorazm viloyati bo‘yicha boshqarmasi tomonidan
“Gulchilar”, “Istiqlol” va “Gulshan” MFYning uyishmagan yoshlarini dam olish kunlarini mazmunli o‘tkazish maqsadida sportning voleybol,stol tennisi, shaxmat-shashka hamda mini futbol turlari bo‘yicha musobaqalar o‘tkazildi.
————
Farg‘ona viloyati
Milliy gvardiya Farg‘ona viloyati bo‘yicha boshqarmasi harbiy xizmatchilari tomonidan Farg‘ona shahridagi 16-sonli umumtaʼlim maktabi hududidagi sport majmuasida “Oybek”, “Bahor”, “Yoshlar” MFYning uyushmagan yoshlarini jamlab, ularni sog‘lom hayot tarziga jalb qilish va sportni yoshlar orasida keng targ‘ib qilish maqsadida sportning mini futbol, voleybol, stol tennisi, shaxmat, shashka hamda turnikka tortinish bo‘yicha sport musobaqalari tashkil etildi.
Mazkur tadbir yoshlar o‘rtasida birdamlikni oshirib, yangi do‘stlar orttirish uchun keng zamin yaratdi.
————
Navoiy viloyati
Yoshlarni bo‘sh vaqtlarini mazmunli o‘tkazish maqsadida Milliy gvardiya Navoiy viloyati bo‘yicha boshqarmasi va Qo‘riqlash boshqarmasi xodimlari tomonidan sportning Futbol turi bo‘yicha musobaqa o‘tkazildi.
