Миллий гвардия ҳудудий бўлинмалари томонидан умумтаълим мактабларда ватанпарварлик ва спорт тадбирлари ташкил этилди.
Тошкент шаҳри
Миллий гвардиянинг замонавий футбол ўйингоҳида ёшлар ўртасида спортнинг мини футбол тури бўйича Миллий гвардия Тошкент шаҳри бўйича бошқармаси бошлиғи кубоги бўлиб ўтди.
Унда жами 8 та жамоа иштирок этиб, ғолиблик учун куч синашдилар.
Мусобақанинг финал учрашувида ўзаро тўқнашган 22-сонли Меҳрибонлик уйи тарбияланувчилари ва муддатли ҳарбий хизматчилар жамоалари томошабинларга ҳаяжонли 30 дақиқани тақдим этишди. Якуний натижага кўра 2:0 ҳисобида тарбияланувчилар жамоаси мусобақанинг ғолиблик шоҳсупасини қўлга киритди.
Якунда ғолиб жамоаларга бошқарма бошлиғининг кубоги, диплом ва эсдалик совғалари топширилди.
———
Сирдарё вилояти
Ёшларни ватанпарварлик руҳида тарбиялаш, улар орасида соғлом турмуш тарзини тарғиб қилиш, шунингдек, муассасада дам олиш кунини мазмунли ва мароқли ўтказилишини таъминлаш мақсадида Миллий гвардия Сирдарё вилояти бўйича бошқармаси муддатли ҳарбий хизматчилари ва Республика ўғил болалар ўқув-тарбия муассасаси тарбияланувчилари билан ўзаро спорт мусобақалари ўтказилди.
Ушбу спорт тадбирлари давомида иштирокчилар спортнинг футбол, шахмат, шашка, стол тенниси, тош кўтариш ва арқон тортиш турлари бўйича ўзаро беллашдилар.
Мусобақа якунида фаол иштирок этган болаларга фахрий ёрлиқлар топширилди.
————
Жиззах вилояти
Жорий йилнинг 12 февраль куни Жиззах вилояти Шароф Рашидов тумани болалар ва ўсмирлар спорт мактабда "Спорт соғлиқ гарови" шиори остида қўл жанги спорт тури бўйича туманинг 14-16 ёшли болалар ўртасида "Туман биринчилиги" мусобақаси ўтказилди.
Мазкур тадбирга ёш спортчиларлар кенг жалб қилиниб, уларнинг ҳар бирига ўз имкониятини синовдан ўтказишлари учун барча шароитлар яратилди
————
Хоразм вилояти
Жорий йилнинг 12-февраль куни Миллий гвардия Хоразм вилояти бўйича бошқармаси томонидан
"Гулчилар", "Истиқлол" ва "Гулшан" МФЙнинг уйишмаган ёшларини дам олиш кунларини мазмунли ўтказиш мақсадида спортнинг волейбол,стол тенниси, шахмат-шашка ҳамда мини футбол турлари бўйича мусобақалар ўтказилди.
————
Фарғона вилояти
Миллий гвардия Фарғона вилояти бўйича бошқармаси ҳарбий хизматчилари томонидан Фарғона шаҳридаги 16-сонли умумтаълим мактаби ҳудудидаги спорт мажмуасида "Ойбек", "Баҳор", "Ёшлар" МФЙнинг уюшмаган ёшларини жамлаб, уларни соғлом ҳаёт тарзига жалб қилиш ва спортни ёшлар орасида кенг тарғиб қилиш мақсадида спортнинг мини футбол, волейбол, стол тенниси, шахмат, шашка ҳамда турникка тортиниш бўйича спорт мусобақалари ташкил этилди.
Мазкур тадбир ёшлар ўртасида бирдамликни ошириб, янги дўстлар орттириш учун кенг замин яратди.
————
Навоий вилояти
Ёшларни бўш вақтларини мазмунли ўтказиш мақсадида Миллий гвардия Навоий вилояти бўйича бошқармаси ва Қўриқлаш бошқармаси ходимлари томонидан спортнинг Футбол тури бўйича мусобақа ўтказилди.
