Milliy gvardiya Harbiy musiqa akademik litseyida iqtidorli yoshlar o‘rtasida damli va zarbli cholg‘u ijrochilarining XXIII “Sanʼat--g‘unchalari” Respublika tanlovi bo‘lib o‘tdi
Mazkur tanlov O‘zbekiston Respublikasi Milliy gvardiyasi, Yoshlar agentligi, Madaniyat vazirligi, O‘zbekiston kompozitorlari va bastakorlari uyushmasi hamda "Sog‘lom avlod uchun" xalqaro xayriya fondi hamkorligida o‘tkazilib, mamlakatimizning barcha hududlaridan kelgan yosh ijrochilarni har tomonlama qo‘llab-quvvatlash va musiqa sanʼatini targ‘ib qilish maqsadida tashkil etildi
Musiqiy tanlovda ijodkorlar 3 yo‘nalishda : yog‘och-damli, mis-damli va zarbli asboblar, kichik va katta guruh nominatsiyalari bo‘yicha o‘z imkoniyatlarini sinovdan o‘tkazishdi.
Yosh ishtirokchilarning ijodiy mahorati har bir yo‘nalish bo‘yicha hakamlar hayʼati tomonidan odilona baholanib borildi.
O‘zbekiston Respublikasi Qurolli Kuchlari tarkibidagi harbiy orkestr jamoalari, shuningdek, boshqa orkestr va badiiy jamoalar uchun damli va zarbli cholg‘ular ijrochiligi yo‘nalishida kadrlarni tayyorlash maqsadida tashkil etilgan Milliy gvardiyasi Harbiy musiqa akademik litseyidan ishtirok etgan o‘quvchilar turli yo‘nalishlar bo‘yicha g‘oliblikni qo‘lga kiritishdi.
Tantanali yopilish va taqdirlash marosimi O‘zbekiston davlat konservatoriyasining musiqiy zalida o‘tkazilib, unda olib va sovrindorlar bilan bir qatorda ustozlar va jo‘rnavozlar ham munosib rag‘batlantirildi
Shubhasiz, ushbu tanlov milliy madaniyat va sanʼatni qo‘llab-quvvatlash va rivojlantirish uchun muhim loyiha bo‘lib, u mamlakatimizning barcha hududlaridagi iqtidorli bolalar o‘zlarini musiqachi va sanʼatkor sifatida taqdim qilishlariga keng zamin yaratmoqda.
