Milliy gvardiya Ixtisoslashtirilgan o‘quv markazida huquqni muhofaza qiluvchi organlar ishtirokidagi ilmiy - amaliy seminar bo‘lib o‘tdi.
Milliy gvardiya Ixtisoslashtirilgan o‘quv markazida “Jamoat tartibini saqlash va fuqarolar xavfsizligini taʼminlashda harbiy xizmatchi va xodimlar faoliyatini tashkil etishning dolzarb masalalari” mavzusida Qurolli Kuchlar va huquqni muhofaza qiluvchi organlar masʼul xodimlari ishtirokidagi ilmiy - amaliy seminar bo‘lib o‘tdi.
Mazkur amaliy seminar davomida mavjud muammo va kamchiliklar ko‘rib chiqilib, ularni bartaraf etish bo‘yicha mutaxassislar tomonidan taklif va mulohazalar bildirildi.
Shuningdek, Markaz boshlig‘i tomonidan barcha ishtirokchilarning fikrlaridan kelib chiqqan holda yoritilmay qolgan savollar muhokama qilindi va kelgusida jamoat xavfsizligini taʼminlashda kerakli fikrlar, maslahatlar va takliflarni umumlashtirish yuzasidan tegishli mutasaddi rahbarlarga vazifalar belgilandi.
Tadbir yakunida ilmiy-amaliy seminarda ishtirok etgan mehmonlar tashkilotchilar tomonidan munosib rag‘batlantirildi.
