Yangiliklar

Milliy gvardiya qo‘mondoni, general-mayor R.Djurayev raisligida videoselektor tarzida tashkil etilgan mazkur tadbirda, Milliy gvardiya qo‘mondonligi, Qo‘riqlash bosh boshqarmasi rahbariyati, tizimning hududiy bo‘linmalari boshliqlari va Mintaqaviy o‘quv markazlari rahbarlari ishtirok etdilar.

Yig‘ilishning kirish qismida Milliy gvardiya qo‘mondoni, Davlatimiz rahbari tomonidan, so‘nggi yillarda Qo‘riqlash faoliyatini takomillashtirish, uni yangi bosqichga olib chiqish va bo‘linmalarni moddiy-texnik baza bilan taʼminlashga katta eʼtibor qaratib kelininayotganligiga alohida taʼkidlab o‘tdi.

Xususan, 2021-2024 yillarda Qo‘riqlash faoliyati bilan bog‘liq O‘zbekiston Respublikasi Prezidentining 5 ta, Vazirlar Mahkamasining 6 ta qarorlari qabul qilinib, 2022 yilda qabul qilingan “Qo‘riqlash faoliyati to‘g‘risida”gi Qonun esa sohani rivojlantirishga zamin yaratib bergani qayd etildi.

Shundan so‘ng, Qo‘riqlash bosh boshqarmasi tizimida 2024 yil davomida amalga oshirilgan ishlar tahliliy va tanqidiy ko‘rib chiqildi. Jumladan, qabul qilingan farmon va qarorlarning ijrosi, qo‘riqlash xizmatining samaradorligi, shaxsiy tarkibning jangovar, kasbiy va jismoniy tayyorgarligi, xizmat intizomi va qonunchilikka rioya etish borasidagi kamchiliklar muhokama qilindi.

Mazkur masalalar yuzasidan Milliy gvardiya qo‘mondoni o‘rinbosari – Qo‘riqlash bosh boshqarmasi boshlig‘i M.Ganiyev hamda soxaga oid mutasaddi rahbarlarning axboratlari tinglandi.

Kun tartibdagi va muxokama qilingan har bir masala yuzasidan 2025 yil uchun ustuvor vazifalar belgilab olindi. Hususan, qo‘riqlovdagi obyekt va xonadonlar qamrovini oshirish, mahallalar, taʼlim muassasalari, ayniqsa maktablar xavfsizligini taʼminlash bo‘yicha kompleks chora-tadbirlarni amalga oshirish, qo‘riqlash bo‘linmalarida jangovar tayyorgarlik bo‘yicha mutlaqo yangicha tizimni yaratish bo‘yicha topshiriqlar berildi.

Shuningdek, qo‘riqlash xizmati faoliyatiga zamonaviy innovatsion qo‘riqlash texnologiyalarini, shu jumladan sunʼiy intelektni keng joriy qilish, strategik ahamiyatga ega obyektlar xavfsizlik tizimini yana-da takomillashtirish hamda hududiy bo‘linma boshliqlari faoliyatini bo‘yicha baholash tizimini (KPI) ishlab chiqish va har chorak yakunida masʼul rahbarlarning ish samaradorligiga baho berilishi ko‘rsatib o‘tildi.

Yig‘ilish davomida Milliy gvardiyaning Mintaqaviy o‘quv markazlarida yangi tizim yaratish, xodimlarning malakasini oshirish va tinglovchilarni amaliy mashg‘ulotlarga keng jalb etish hamda dual taʼlim tizimini joriy etish bo‘yicha mutasaddilarga aniq topshiriqlar qo‘yildi.

 Shuningdek, Davlatimiz rahbarining 2025 yil 3 yanvardagi “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish chora-tadbirlari to‘g‘risida” gi 1-sonli Qaroriga asosan Qo‘riqlash xizmatiga yuklatilgan vazifalar hamda shu kunga qadar amalga oshirilgan ishlar hududlar kesimida tahlil qilinib, mutasaddi rahbarlarning axborotlari tinglandi.

Xususan, Toshkent shahar, Qoraqolpog‘iston Respublikasi, Xorazm, Andijon, Namangan va Toshkent viloyatlarida bu boradagi mavjud kamchiliklar muxokama qilinib, qarorda belgilangan chora-tadbirlar yuzasidan ishlarni samarali tashkil etish bo‘yicha topshiriqlar berildi.

Kun tartibidagi yana bir muhim masala, Davlatimiz rahbari tomonidan joriy yilning 13 fevral kuni “Ommaviy sportni yangi bosqichga olib chiqish” borasida o‘tkazilgan videoselektor yig‘ilishida ilgari surilgan tashabuuslari va olimpiya sport turlarini hududlarda yana-da rivojlantirish yuzasidan belgilab berilgan vazifalarni joylarda ijrosini to‘g‘ri tashkil etish va ularni qattiq nazoratga olish taʼkilandi.

Shuningdek, Kamondan (parakamondan) otish sport turini ommalashtirish, milliy terma jamoamizni faoliyatini takomillashtirish, hududlarda kamondan otish bazalarini tashkil etish va 2028 yilda Los-Anjelesda bo‘lib o‘tadigan Olimpiya o‘yinlariga kamonchilarimizni munosib tayyorlash bo‘yicha ham masʼullarga topshiriqlar berildi.

Milliy gvardiya Qo‘mondoni yig‘ilish so‘ngida qo‘riqlash xizmatiga belgilab berilgan bu muhim vazifalar, Davlatimiz rahbari tomonidan Milliy gvardiyaga bildirilgan katta ishonch ekanligini, shuningdek yelkamizdagi masʼuliyatli va mashshaqqatli vazifa, yurtimiz tinchligi va halqimiz osoyishtaligini taʼminlash barchamiz uchun sharaf ekanligini uqtirib o‘tdi.