Mobil telefonlarni o‘g‘irlamoqchi bo‘lgan shaxs qochishga uringan vaqtda qo‘lga olindi
14-dekabrdan 15-dekabrga o‘tar kechasi soat 03.40 larda Zarafshon shahar Qo‘riqlash bo‘limining Texnik qo‘riqlash markaziga “Dehqon bozori” hududida joylashgan uyali telefonlar do‘konidan tashvish xabari kelib tushgan. Voqea joyiga zudlik bilan yetib kelgan tezkor harakatlanuvchi guruh o‘g‘irlik qilishga uringan fuqaroni voqea joyidan qochishga uringan paytda qo‘lga oldi. Maʼlum bo‘lishicha, Samarqand viloyatida tug‘ilgan 24 yoshli F.J. o‘g‘irlik qilish maqsadida do‘kon oynasini sindirib kirgan.
Mazkur holat yuzasidan ichki ishlar organlari tomonidan surishtiruv ishlari olib borilmoqda
