Joriy yilning 28-31 oktyabr kunlari Moskva shahrida ot sportining to‘siqlardan sakrash turi bo‘yicha bo‘lib o‘tgan “YevroOsiyo jaxon kubogi ligasi” musobaqalari bo‘lib o‘tdi. Mazkur musobaqada O‘zbekiston Milliy terma jamoasi sportchi chavandozlari munosib ishtirok etib, “To‘siqlarning balandligi 155 sm” bo‘lgan yo‘nalishdagi final bosqichida Bekzod Qurbonov “King Kornet-L” laqabli otida yuqori natija ko‘rsatib 1-o‘rinni, “To‘siqlarning balandligi 150 sm” bo‘lgan yo‘nalishda esa Umidjon Kamilov “Nomero Uno Rafayel” laqabli otida faxrli 1-o‘rinni qo‘lga kiritdilar. Shuningdek, “Yetti yoshgacha bo‘lgan otlar” o‘rtasidagi bellashuvda Aʼzam Tolibbayev “Roksibadjo” laqabli oti bilan 1-o‘rinni va “Bolalar o‘rtasida”gi bahslarda ham Boburjon Valijonov “Ledi” laqabli oti bilan

1-o‘ringa loyiq deb topildilar. Milliy terma jamoa sportchi chavandozlarimiz o‘zlarining oldilariga qo‘ygan oliy maqsadlari sari yuqori marralarga intilgan holda Vatanimiz shaʼnini munosib himoya qilib, yurtimiz bayrog‘ini yuksaklarga ko‘tarishdi.

Eslatib o‘tamiz Milliy terma jamoamiz tarkibida bo‘lgan Umid Komilov, Aʼzam Tolibbayev va Boburjon Valijonovlar Milliy gvardiya ot sporti bo‘yicha respublika oliy sport mahorati maktabi sportchi chavandozlari hisoblanishadi.

2 noyabr kuni ushbu sportchi chavandozlarimiz va murabbiylar yorug‘ yuz bilan yurtimizga qaytib kelishdi va ular “I. Karimov” nomidagi xalqaro aeroportda munosib kutib olindi.

Milliy gvardiya qo‘mondonligi va shaxsiy tarkibi nomidan O‘zbekiston yilqichilik va ot sporti federatsiyasi jamoasiga o‘z minnatdorchiligimizni bildirib, sportchi chavandozlarimizning xalqaro arenalardagi navbatdagi g‘alabasi bilan samimiy muborakbod etamiz.