Mustaqilligimizning 33 yilligi munosabati bilan “Bir bo‘lsak - yagona xalqmiz, birlashsak-Vatanmiz!” shiori ostidagi tadbirlar Milliy gvardiya bo‘linmalarida ko‘tarinki ruhda bo‘lib o‘tmoqda
Mustaqilligimizning 33 yilligi munosabati bilan “Bir bo‘lsak - yagona xalqmiz, birlashsak-Vatanmiz!” shiori ostida Toshkent shahridagi Milliy gvardiya jamoat tartibini saqlash bo‘yicha brigadasida muddatli harbiy xizmatchilar bilan Uchtepa tumani faxriylari ishtirokida “Uch avlod uchrashuvi” o‘tkazildi. Tadbirda faxriylar o‘zlarining kasbiy faoliyatilari davomida orttirgan boy hayotiy tajribalari to‘g‘risida so‘zlab berishib, yutuqlarga erishishning eng asosiy omili bilm ekanligini taʼkidlashdi. Uchrashuv savol-javoblarga boy tarzda, mazmunli va ko‘tarinki ruhda o‘tdi. Tadbir davomida muddatli harbiy xizmatchilar o‘zlarining ijod namunalarini yig‘ilganlar eʼtiboriga havola etishdi. Shuningdek, shu kuni O‘zbekiston davlat drama teatri ijodkorlari tomonidan teatrlashtirilgan “Mustaqillik shukronasi” deb nomlangan bayram konsert dasturi harbiy qismda namoyish etildi. Albatta bu kabi tadbirlar yoshlarni vatanparvarlik ruhida tarbiyalash, ona vatanga muhabbat tuyg‘ularini singdirishda muhim ahamiyat kasb etadi.
