O‘zbekiston Respublikasi Milliy gvardiyasi Ixtisoslashtirilgan o‘quv markazida 2024 yil 26 iyul kuni “Jamoat xavfsizligini ta’minlashda O‘zbekiston Respublikasi huquqni muhofaza qiluvchi organlarining faoliyatini takomillashtirish” mavzusidagi ilmiy-amaliy konferensiya bo‘lib o‘tdi

Mazkur konferensiya doirasida, jismoniy va yuridik shaxslarning huquqlari, erkinliklari hamda qonun bilan qo‘riqlanadigan manfaatlarini himoya qilish, terrorizmga qarshi kurashishda, shuningdek terrorchilik harakatlarining hamda tabiiy va texnogen xususiyatli favqulodda vaziyatlar oqibatlarini bartaraf etishda ishtirok etish, jamoat tartibini saqlash, shu jumladan ommaviy tadbirlar, mitinglar, yig‘ilishlar, namoyishlar o‘tkazilayotganda hamda fuqarolar gavjum bo‘ladigan joylarda jamoat tartibini saqlash, favqulodda holat, alohida davr va terrorchilikka qarshi operatsiyalarni o‘tkazish sharoitlarida huquqiy rejimni ta’minlash, huquqbuzarliklarning oldini olish, ularni aniqlash va ularga chek qo‘yish maqsadida aholi punktlaridagi jamoat joylarida patrullik qilish kabi masalalar ko‘rib chiqildi, huquqni muhofaza qiluvchi organlarining faoliyatini takomillashtirishdagi hozirgi holati va muammolari muhokama qilindi.

Konferensiyada Respublikamizda harbiy kadrlarni tayyorlash, qayta tayyorlash va malakasini oshirish ta’lim muassalari, Milliy gvardiya Markaziy devoni, IIV Akademiyasi, IIV Malaka oshirish institute, IIV Maxsus operatsiyalarni muvofiqlashtirish boshqarmasi Maxsus tayyorgarlik o‘quv markazi hamda huquqni muhofaza qiluvchi organlarining mutaxassislari ishtirok etdi.

Ilmiy-amaliy konferensiyada ma’ruzachilar mavzuga oid dolzarb masalalar, muammolar va ularni bartaraf etish choralari bo‘yicha fikr mulohazalarini bildirib o‘tishdi. Tadbirning asosiy qismida kichik mutaxassislarni tayyorlash, malakasini oshirish bo‘yicha ilg‘or xorijiy tajribalarni o‘rganish va o‘zimizga moslashtirilishi yuzasidan takliflar muhokama etildi.

Tadbir yakunida barcha ishtirokchilarning bildirgan fikrlaridan kelib chiqqan holda, ilmiy-amaliy konferensiya davomida qatnashuvchilar tomonidan berilgan savollar muhokama qilindi, fikrlar, maslahatlar, ilmiy asoslangan taklif va tavsiyalar umumlashtirildi va ularni yechimlarini bartaraf etish yo‘llari yuzasidan kelishildi.