Navbatdagi unvonlar topshirildi
O‘zbekiston Respublikasi Milliy gvardiyasi qo‘mondoni buyrug‘iga asosan bir guruh harbiy xizmatchi va xodimlarga navbatdagi harbiy va maxsus unvonlar berildi.
Shu munosabat bilan Milliy gvardiya Markaziy devonida tantanali tadbir tashkil etildi. Unda qo‘mondonning birinchi o‘rinbosari polkovnik I.Ibragimov, qo‘mondon o‘rinbosarlari polkovnik S.Mamayusupov, polkovnik A.Sormonkulovlar ishtirok etib, shaxsiy tarkibni yurtimiz tinchligi va xalqimiz osoyishtaligini taʼminlash yo‘lida o‘zining fidokorona xizmatlari bilan munosib hissa qo‘shib kelayotganligini eʼtirof etib, navbatdagi unvon olgan harbiy xizmatchilarni tabrikladi.
Milliy gvardiya tizimida xizmat qilayotgan harbiy xizmatchi va xodimlarning 98 nafariga navbatdagi “podpolkovnik”, “mayor”, “kapitan”, “III darajali serjant” harbiy va maxsus unvonlari topshirildi.
