NAVBATDAGI RESPUBLIKA ILMIY - AMALIY KONFERENSIYASI BO‘LIB O‘TDI
O‘zbekiston Respublikasi Milliy gvardiyasi Ixtisoslashtirilgan o‘quv markazida 2021 yil 15 dekabr kuni “Milliy gvardiya bo‘linmalarining tog‘li sharoitlarda jangovar harakatlarini olib borishini takomillashtirish” mavzusidagi ilmiy-amaliy konferensiya bo‘lib o‘tdi.
Mazkur konferensiya doirasida, ayni vaqtda jahonda va Markaziy Osiyo mintaqasidagi harbiy-siyosiy vaziyat, turli qurolli to‘qnashuvlarda qo‘llanilayotgan qurollar, jangovar-taktik harakatlar va bu kabi harakatlarning tog‘li hududlarda amalga oshirilishida o‘ziga xos xususiyatlari hamda jangovar bo‘linmalarning bunday sharoitda jang olib borishning hozirgi holati va muammolari muhokama qilindi.
Konferensiyada Respublikamizda harbiy kadrlarni tayyorlash, qayta tayyorlash va malakasini oshirishni amalga oshiruvchi harbiy taʼlim muassasalari mutaxassislari ishtirok etdi.
Ilmiy-amaliy konferensiyaning amaliy qismida Ixtisoslashtirilgan o‘quv markazi hududida tashkil etilgan 5 o‘quv nuqtalarida ko‘rgazmali mashg‘ulotlar ishtirokchilarga namoyish etildi.
Konferensiya yakunida, tog‘li sharoitlarda jangovar bo‘linmalarning maxsus operatsiyalarni tashkillashtirish va olib borishdagi harakatlarini takomillashtirishga doir ilmiy asoslangan taklif va tavsiyalar ishlab chiqildi.
