Navoiy viloyatida mehnat bilan band bo‘lmagan fuqarolarni ish bilan taʼminlash, ularni har tomonlama ijtimoiy qo‘llab quvvatlash maqsadida bo‘sh ish o‘rinlari mehnat yarmarkasi tashkil etildi
Mamlakatimizda ishsizlar sonini qisqartirish, aholiga qulayliklar yaratish, mavjud bo‘lgan muammolarga yechim topish maqsadida tizimli ishlar amalga oshirilmoqda. Olib borilayotgan chora-tadbirlar qisqa fursatlarda o‘z natijasini ko‘rsatib, aholi, ayniqsa, xotin-qizlar va yoshlarning bandligi ijobiy taʼminlanmoqda. Xususan, kuni kecha Harbiy prokuratura, Milliy gvardiya, Qo‘riqlash hamda Mudofaa ishlari boshqarmalari bilan hamkorlikda Navoiy shahridagi Monomarkazda bo‘sh ish o‘rinlar yarmarkasi tashkil etildi. Tadbir davomida Qo‘riqlash xizmatiga ishga kirish istagida bo‘lgan ishsiz yoshlarga masʼul xodimlar tomonidan zarur tavsiyalar berildi. Bundan tashqari xodimlarning oila aʼzolari ham mazkur yarmarkada faol ishtirok etib, viloyatdagi mavjud bo‘sh ish o‘rinlari haqida yetarlicha maʼlumotlarga ega bo‘lishdi.
Taʼkidlash joizki, fuqarolar bilan bo‘lgan yakka tartibdagi suhbatlar, bu kabi yarmarkalarning davomli tashkil etilishi yosh avlod uchun o‘zlariga munosib ish o‘rnini topishida muhim ahamiyat kasb etmoqda.
