Навоий вилоятида меҳнат билан банд бўлмаган фуқароларни иш билан таъминлаш, уларни ҳар томонлама ижтимоий қўллаб қувватлаш мақсадида бўш иш ўринлари меҳнат ярмаркаси ташкил этилди
Мамлакатимизда ишсизлар сонини қисқартириш, аҳолига қулайликлар яратиш, мавжуд бўлган муаммоларга ечим топиш мақсадида тизимли ишлар амалга оширилмоқда. Олиб борилаётган чора-тадбирлар қисқа фурсатларда ўз натижасини кўрсатиб, аҳоли, айниқса, хотин-қизлар ва ёшларнинг бандлиги ижобий таъминланмоқда. Хусусан, куни кеча Ҳарбий прокуратура, Миллий гвардия, Қўриқлаш ҳамда Мудофаа ишлари бошқармалари билан ҳамкорликда Навоий шаҳридаги Мономарказда бўш иш ўринлар ярмаркаси ташкил этилди. Тадбир давомида Қўриқлаш хизматига ишга кириш истагида бўлган ишсиз ёшларга масъул ходимлар томонидан зарур тавсиялар берилди. Бундан ташқари ходимларнинг оила аъзолари ҳам мазкур ярмаркада фаол иштирок этиб, вилоятдаги мавжуд бўш иш ўринлари ҳақида етарлича маълумотларга эга бўлишди.
Таъкидлаш жоизки, фуқаролар билан бўлган якка тартибдаги суҳбатлар, бу каби ярмаркаларнинг давомли ташкил этилиши ёш авлод учун ўзларига муносиб иш ўрнини топишида муҳим аҳамият касб этмоқда.
