Davlatimiz rahbarining 2017 yil 17 noyabrdagi qaroriga muvofiq o‘sib kelayotgan yosh avlodni harbiy-vatanparvarlik ruhida tarbiyalash, ularda ona Vatanga sadoqat va uning mustaqilligini himoya qilish bo‘yicha burch tuyg‘usini shakllantirish, harbiy xizmatga hurmat tuyg‘ularini singdirish, shuningdek, respublika oliy va oliy harbiy taʼlim muassasalariga o‘qishga kirish uchun yetarli bilimga ega bo‘lgan iqtidorli yoshlarni tizimli ravishda tayyorlash maqsadida Vazirlar Mahkamasining 237-son qaroriga asosan, Milliy gvardiya Navoiy viloyati bo‘yicha boshqarmasiga, Navoiy shahrida joylashgan 1-sonli ixtisoslashtirilgan maktab biriktirilgan edi.

Hozirgi kunga qadar Milliy gvardiya harbiy xizmatchilari va maktab maʼmuriyati tomonidan bir qator ko‘lamli ishlar olib borilmoqda. Xususan, joriy yilning 21-fevral kuni maktab o‘quvchilarini bir kunlik o‘quv jarayoni o‘rganildi.O‘rganish davomida o‘quvchilar bilan Saf tayyorgarligi, Balandlik ishg‘ol tayyorgarligi, Sportning kamondan otish turi bo‘yicha to‘garak faoliyati, jismoniy tayyorgarlik mashg‘ulotlari, harbiy estafeta, Psixologik treninglar o‘tkazish tartibi va usullari, namunali mashg‘ulotlar hamda zakovat o‘yinlari doimiy ravishda o‘tkazilib kelinayotganligiga guvoh bo‘lishdi. O‘quvchi yoshlar mashg‘ulotlarga faol ishtirok etib, respublika miqyosida ixtisoslashtirilgan maktablar o‘rtasida o‘tkazilgan musobaqalarda faxrli birinchi o‘rinni egallab kelishmoqda.