“NAVOIY VA YОSHLAR”
O‘zbekiston Respublikasi Milliy gvardiyasi Ixtisoslashtirilgan o‘quv markazida sheʼriyat mulkining sultoni, o‘zbek adabiy tilining asoschisi, davlat arbobi mir Alisher Navoiy tavalludining 581 yilligiga bag‘ishlab “NAVOIY VA YoSHLAR” mavzusida maʼrifiy tadbir o‘tkazildi.
Nafaqat milliy adabiyotimiz, balki jahon adabiyotidan ham munosib o‘rin egallagan buyuk ijodkor Mir Alisher Navoiyning tavalludiga bag‘ishlab o‘tkazilgan tadbirda O‘zbekistonda xizmat ko‘rsatgan artist Mehmonali Salimov va Aktrisa Gulnoza Sayidovalar, shuningdek Mirzo Ulug‘bek, Yashnobod tumani o‘quvchi-yoshlari hamda Alisher Navoiy nomidagi o‘zbek tili va adabiyoti universiteti professor-o‘qituvchilari, harbiy xizmatchi va xodimlar ishtirok etdi.
Tadbir avvalida taklif etilgan mehmonlar so‘zga chiqib, Alisher Navoiy hayoti va ijodiga yaqindan to‘xtalar ekan, uning g‘azallari va ruboiylaridan misralar keltirishdi .
Shuningdek, maktab o‘quvchilari va universitet talabalari o‘zlarining tayorlab kelgan sahna ko‘rinishlari va Navoiy g‘azallaridan ijro etishdi. Ijro etilgan sahna ko‘rinishlari, kuy-ko‘shiklar, g‘azal va ruboyilar harbiy xizmatchi va yoshlarga hamda mehmonlarga manzur bo‘ldi.
Marosim so‘ngida mehmonlar va o‘quvchi yoshlarga esdalik sovg‘alari hamda tashakkurnomalar tantanali topshirildi.
Shundan so‘ng, tadbir munosabati bilan yoshlar o‘quv markazi faoliyati bilan yaqindan tanishish imkoniga ega bo‘lishdi va bevosita mashg‘ulot jarayonlarini kuzatishdi. Ayniqsa, saf maydonida Namunali ko‘rgazmali orkestr jamoasi, Faxriy qorovul batalyoni hamda muddatli harbiy xizmatchilar tomonidan namoyish etilgan ko‘rgazmali chiqishlar yoshlarda juda katta qiziqish uyg‘otdi.
