XUSH KELDING, NAVRO‘Z!
Shukuhli kunlarda yurtimizda Navro‘z umumxalq bayrami keng nishonlanmoqda. Serquyosh diyorimizning barcha joylarida bo‘lganidek Milliy gvardiya tizimida ham Navro‘z bayrami katta tantanalar bilan kutib olinmoqda.
Xususan, O‘zbekiston Respublikasi Milliy gvardiyasi Qo‘riqlash bosh boshqarmasida joriy yilning 19 mart kuni Navro‘z umumxalq bayramiga bag‘ishlab “Xush kelding Navro‘z” shiori ostida tadbir o‘tkazildi.
Mazkur bayramona tadbir doirasida pishirilgan sumalak, osh, ko‘k somsalar bayram dasturxonga o‘zgacha ko‘rk bag‘ishladi.
Tadbirning badiiy qismini xushovoz xonandalarning chiqishlari va O‘zbekiston Respublikasi Milliy gvardiyasi miqyosida o‘tkazilgan “O‘zbek milliy laparlarini kuylash” yo‘nalishi bo‘yicha ko‘rik tanlovning respublika bosqichida faxrli o‘rinlarni egallagan jamoalarning laparlari o‘rin oldi.
Azaliy qadriyatlarimizdan biri bo‘lgan bu kabi bayramlarning mamlakatimizda keng nishonlanishi elimizda obodlik, tinchlik-totuvlik va millatlaro ahillik hukm surishiga xizmat qiladi.
