ХУШ КЕЛДИНГ, НАВРЎЗ!
Шукуҳли кунларда юртимизда Наврўз умумхалқ байрами кенг нишонланмоқда. Серқуёш диёримизнинг барча жойларида бўлганидек Миллий гвардия тизимида ҳам Наврўз байрами катта тантаналар билан кутиб олинмоқда.
Хусусан, Ўзбекистон Республикаси Миллий гвардияси Қўриқлаш бош бошқармасида жорий йилнинг 19 март куни Наврўз умумхалқ байрамига бағишлаб “Хуш келдинг Наврўз” шиори остида тадбир ўтказилди.
Мазкур байрамона тадбир доирасида пиширилган сумалак, ош, кўк сомсалар байрам дастурхонга ўзгача кўрк бағишлади.
Тадбирнинг бадиий қисмини хушовоз хонандаларнинг чиқишлари ва Ўзбекистон Республикаси Миллий гвардияси миқёсида ўтказилган “Ўзбек миллий лапарларини куйлаш” йўналиши бўйича кўрик танловнинг республика босқичида фахрли ўринларни эгаллаган жамоаларнинг лапарлари ўрин олди.
Азалий қадриятларимиздан бири бўлган бу каби байрамларнинг мамлакатимизда кенг нишонланиши элимизда ободлик, тинчлик-тотувлик ва миллатларо аҳиллик ҳукм суришига хизмат қилади.
