Davom etayotgan bayramona tadbirlarda aholimizning yuqori kayfiyati va osoyishtaligi taʼminlanmoqda
Mamlakatimiz aholisi Yangi 2023 yilni bayramona va yuqori kayfiyatda kutib olishdi.
Toshkent shahrining o‘zida 19 ta va respublikamiz bo‘ylab 256 ta joyda Yangi yil archalari bezatilib, ommaviy bayram tadbirlari ko‘tarinki ruhda tashkillashtirildi.
Bayram tadbirlarida jamoat tartibini buzish huquqbuzarlik va jinoyatchilik holatlari qayd etilmadi. Hozirda Respublika hududida jamoat tartibini saqlash tadbirlariga Milliy gvardiya va hamkor vazirliklardan yetarlicha shaxsiy tarkib jalb qilingan.
Yurtimiz aholisi va mehmonlariga bayramona tadbirlar mobaynida jamoat tartib-qoidalarga rioya qilgan holda, osoyishtaligimizga qo‘shgan xissalari uchun, Milliy gvardiya qo‘mondonligi o‘z minnatdorchiligini bildiradi. Shuningdek, davom etayotgan ommaviy tadbirlar tinch va bayromana ruhda o‘tishiga ishonch bildiradi.
Milliy gvardiya va hamkor vazirliklar tomonidan yurtimiz bo‘ylab tashkillashtirilayotgan bayram tadbirlarida, jamoat tartibini saqlash hamda fuqarolar xavfsizligini taʼminlash chora-tadbirlari davom ettiriladi.
