Pirotexnika vositalarining noqonuniy aylanmasiga chek qo‘yish yuzasidan hamkorlikdagi chora-tadbirlar davom etmoqda.
Andijon viloyati
Joriy yilning 16 dekabr sanasida Andijon tumani “Taxtako‘prik” mahallasida yashovchi fuqaro K. A. “Britanik” nomli pirotexnika vositasini 240 ming so‘mga pullayotgan vaqtida ashyoviy dalillar bilan qo‘lga olindi.
Xuddi shu kuni mazkur viloyatdagi “Mustaqillik” mahallasida fuqarolar T. X va A. S. 17 quti “Britanik” nomli pirotexnika vositalarini 240 ming so‘mga pullashga uringan vaqtida qo‘lga olindi.
Shuningdek, viloyatning Izboskan tumanida Milliy gvardiya harbiy xizmatchilari tomonidan fuqaro K. X. pirotexnika vositalarini sotishga uringan vaqti qo‘lga olindi. Xolislar ishtirokida o‘tkazilgan tekshiruv davomida fuqaro 100 ming so‘m evaziga sotishga uringan 9 quti “Britanik” nomli pirotexnika vositalari musodara qilindi.
Buxoro viloyati
20 dekabr kuni soat taxminan 15:30larda Milliy gvardiya Buxoro viloyati bo‘yicha boshqarmasi hamda viloyat Bojxona boshqarmasi Kontrabandaga qarshi kurashish bo‘limi hamkorligida pirotexnika vositalarining noqonuniy savdosiga qarshi o‘tkazilgan tadbirda Romitan tumanida yashovchi fuqaro F.S. markaziy bozor hududida qora rangli polietilen paketga solingan 4 blok va 4 quti pirotexnika vositalarini sotmoqchi bo‘lgan vaqtida qo‘lga olindi. Dastlabki tekshiruv ishlarida mazkur paket ichida umumiy qiymati 450.000 so‘mlik 48 quti “Treniya” nomli nomli pirotexnika vositalari borligi aniqlandi va ashyoviy dalillar belgilangan tartibda hujjatlashtirib olindi.
Jizzax viloyati
Milliy gvardiya Jizzax viloyati bo‘yicha boshqarmasi harbiy xizmatchilari tomonidan Jizzax shahrida pirotexnika vositalarining noqonuniy savdosi bilan shug‘ullanayotgan fuqaro S. B. qo‘lga olindi. Tekshiruv davomida "Eski Toshkentlik" mahallasining 19 yoshli fuqarosi yonidan 10 quti “Britanik” nomli pirotexnika vositasi topilib, xolislar guvohligida musodara qilindi.
Shuningdek, jizzaxlik yana bir 27 yoshli fuqaro T. A.ning yonidan "Noviy vek" nomli pirotexnika vositasi topildi. u bilan bir qatorda 34 yoshli fuqaro Ch. J. 80 quti “Treniya” nomli pirotexnika savdosidan 1 mln. 200 ming so‘m foyda ko‘rishni ko‘zlagan vaqti qo‘lga olindi.
Milliy gvardiya harbiy xizmatchilari va viloyat Ichki ishlar boshqarmasi xodimlari tomonidan viloyat markazida istiqomat qiluvchi 22 yoshli fuqaro E. Z. da jami 1 mln. 350 ming so‘mlik 88 quti “Britanik” nomli pirotexnika vositalari mavjudligi aniqlanib, musodara qilindi.
Shu kuni Sharof Rashidov tumani hududida Milliy gvardiya harbiy xizmatchilari tomonidan umumiy qiymati 1 mln. 500 so‘m bo‘lgan 100 quti “Britanik” va “Treniya” nomli pirotexnika vositalarining noqonuniy savdosining oldi olindi.
Xuddi shu hududda Milliy gvardiya harbiy xizmatchilari va tuman Ichki ishlar bo‘limi xodimlari bilan hamkorlikdagi qo‘shma tadbirlar davomida 34 quti “Britanik” nomli pirotexnika vositasini 508 ming 700 so‘mga, shuningdek,ushbu tumanning yana bir 42 yoshli fuqarosi O. O. esa “Treniya” nomli pirotexnika vositasini 150 ming so‘mga sotishga uringan vaqti qo‘lga olindi.
G‘allaorol tumanida pirotexnika vositalarining noqonuniy savdosi bilan shug‘ullanib kelayotgan fuqaro aniqlandi. Tekshiruv chog‘ida fuqaro X. X.ning yonida umumiy qiymati 510 ming so‘m bo‘lgan 34 quti “Britanik” nomli pirotexnika vositasi xolislar guvohligida musodara qilindi. Shu tumanda istiqomat qiluvchi yana bir 18 yoshli fuqaro I. Sh. dan 135 ming so‘mga sotishga uringan 9 quti “Britanik” nomli pirotexnika vositalari musodara qilindi.
Viloyatning Zomin tumanida fuqaro M. M. 10 quti “Treniya” nomli pirotexnika vositalarini 150 ming so‘mga sotmoqchi bo‘lgan vaqti ashyoviy dalillar bilan qo‘lga olindi. Xolislar ishtirokida fuqaro yonidan topilan 10 quti pirotexnika vositasi musodara qilindi.
