Пиротехника воситаларининг ноқонуний айланмасига чек қўйиш бўйича ҳамкорликдаги чора-тадбирлар давом этмоқда.
Андижон вилояти
Жорий йилнинг 16 декабрь санасида Андижон тумани "Тахтакўприк" маҳалласида яшовчи фуқаро К. А. "Британик" номли пиротехника воситасини 240 минг сўмга пуллаётган вақтида ашёвий далиллар билан қўлга олинди.
Худди шу куни мазкур вилоятдаги "Мустақиллик" маҳалласида фуқаролар Т. Х ва А. С. 17 қути "Британик" номли пиротехника воситаларини 240 минг сўмга пуллашга уринган вақтида ушланди.
Шунингдек, вилоятнинг Избоскан туманида Миллий гвардия ҳарбий хизматчилари томонидан фуқаро К. Х. пиротехника воситаларини сотишга уринган вақти қўлга олинди. Холислар иштирокида ўтказилган текширув давомида фуқаро 100 минг сўм эвазига сотишга уринган 9 қути "Британик" номли пиротехника воситалари мусодара қилинди.
Бухоро вилояти
20 декабрь куни соат тахминан 15:30ларда Миллий гвардия Бухоро вилояти бўйича бошқармаси ҳамда вилоят Божхона бошқармаси Контрабандага қарши курашиш бўлими ҳамкорлигида пиротехника воситаларининг ноқонуний савдосига қарши ўтказилган тадбирда Ромитан туманида яшовчи фуқаро Ф.С. марказий бозор ҳудудида қора рангли полиэтилен пакетга солинган 4 блок ва 4 қути пиротехника воситаларини сотмоқчи бўлган вақтида қўлга олинди. Дастлабки текширув ишларида мазкур пакет ичида умумий қиймати 450.000 сўмлик 48 қути "Трения" номли номли пиротехника воситалари борлиги аниқланди ва ашёвий далиллар белгиланган тартибда ҳужжатлаштириб олинди.
Жиззах вилояти
Миллий гвардия Жиззах вилояти бўйича бошқармаси ҳарбий хизматчилари томонидан Жиззах шаҳрида пиротехника воситаларининг ноқонуний савдоси билан шуғулланаётган фуқаро С. Б. қўлга олинди. Текширув давомида "Эски Тошкентлик" маҳалласининг 19 ёшли фуқароси ёнидан 10 қути "Британик" номли пиротехника воситаси топилиб, холислар гувоҳлигида мусодара қилинди.
Шунингдек, жиззахлик яна бир 27 ёшли фуқаро Т. А.нинг ёнидан "Новый век" номли пиротехника воситаси топилди. у билан бир қаторда 34 ёшли фуқаро Ч. Ж. 80 қути "Трения" номли пиротехника савдосидан 1 млн. 200 минг сўм фойда кўришни кўзлаган вақти қўлга олинди.
Миллий гвардия ҳарбий хизматчилари ва вилоят Ички ишлар бошқармаси ходимлари томонидан вилоят марказида истиқомат қилувчи 22 ёшли фуқаро Э. З. да жами 1 млн. 350 минг сўмлик 88 қути "Британик" номли пиротехника воситалари мавжудлиги аниқланиб, мусодара қилинди.
Шу куни Шароф Рашидов тумани ҳудудида Миллий гвардия ҳарбий хизматчилари томонидан умумий қиймати 1 млн. 500 сўм бўлган 100 қути "Британик" ва "Трения" номли пиротехника воситаларининг ноқонуний савдосининг олди олинди.
Худди шу ҳудудда Миллий гвардия ҳарбий хизматчилари ва туман Ички ишлар бўлими ходимлари билан ҳамкорликдаги қўшма тадбирлар давомида 34 қути "Британик" номли пиротехника воситасини 508 минг 700 сўмга, шунингдек,ушбу туманнинг яна бир 42 ёшли фуқароси О. О. эса "Трения" номли пиротехника воситасини 150 минг сўмга сотишга уринган вақти қўлга олинди.
Ғаллаорол туманида пиротехника воситаларининг ноқонуний савдоси билан шуғулланиб келаётган фуқаро аниқланди. Текширув чоғида фуқаро Х. Х.нинг ёнида умумий қиймати 510 минг сўм бўлган 34 қути "Британик" номли пиротехника воситаси холислар гувоҳлигида мусодара қилинди. Шу туманда истиқомат қилувчи яна бир 18 ёшли фуқаро И. Ш. дан 135 минг сўмга сотишга уринган 9 қути "Британик" номли пиротехника воситалари мусодара қилинди.
Вилоятнинг Зомин туманида фуқаро М. М. 10 қути "Трения" номли пиротехника воситаларини 150 минг сўмга сотмоқчи бўлган вақти ашёвий далиллар билан қўлга олинди. Холислар иштирокида фуқаро ёнидан топилан 10 қути пиротехника воситаси мусодара қилинди.
Қорақалпоғистон Республикаси
Қорақалпоғистон Республикаси "Нукус" халқаро аэропортида фуқароларга пиротехника воситаларини сотиб олишни таклиф қилаётган аёл аниқланди. Текширув чоғида хўжайли туманида яшовчи фуқародан икки қути "Новый век" пиротехника воситалари мавжудлиги аниқланиб, холислар иштирокида мусодара қилинди.
Мазкур ҳолатлар юзасидан Ўзбекистон Республикаси Маъмурий жавобгарлик тўғрисидаги кодексининг 185-1-моддасида назарда тутилган маъмурий ҳуқуқбузарлик тўғрисида баённомалар расмийлаштирилди.
Ҳурматли фуқаролар!
Шуни эслатиб ўтамизки, пиротехника маҳсулотлари билан ноқонуний савдо қилиш Ўзбекистон Республикаси Маъмурий жавобгарлик тўғрисидаги кодексининг 185-1-моддаси бўйича ашёлар мусодара қилиниб, беш бараваридан йигирма бараваригача миқдорда жарима солишга сабаб бўлади.
Пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек, уларни қонунга хилоф равишда Ўзбекистон Республикасига олиб кириш (Ўзбекистон Республикасидан олиб чиқиш) ёки ўтказиш анча миқдорда ёхуд шундай ҳаракатлар маъмурий жазо қўлланилганидан кейин содир этилган бўлса, Ўзбекистон Республикаси Жиноят кодексининг 250-1-моддасига асосан жиноий жавобгарликка тортилади.
