QORAQALPOG‘ISTON RESPUBLIKASIDA «OBOD VA XAVFSIZ» MAHALLA TAMOYILI ASOSIDA AMALGA OSHIRILAYOTGAN HAMKORLIKDAGI ISHLAR
Qoraqalpog‘iston Respublikasi bo‘ylab «Obod va xavfsiz» mahalla tamoyili asosida, jinoyatchilikni oldini olishda Milliy gvardiya, IIV va mahalla beshligi hamkorligidagi ishlar davom ettirilmoqda.
Xususan qizil toifaga kiritilgan Nukus shahridagi “Jayxun” mahallasida mahalla beshligi va faollar ishtirokidagi yig‘ilish bo‘lib o‘tdi.
Tadbirda “Jayxun” mahallasida aholi ayniqsa yoshlar bandligini taʼminlash borasidagi hamkorlikdagi ishlarni kuchaytirish masalalari ko‘rib chiqildi. Shuningdek, hududda qaysi toifadagi jinoyatchilik va huquqbuzarliklarning oshganligi tahlil qilinib, ularni o‘z vaqtida aniqlash orqali jinoyatchilikni oldini olish mumkinligi taʼkidlanib profilaktik ishlar bo‘yicha qator vazifalar belgilab olindi.
Aholi va tadbirkorlikning xotirjamligini taʼminlash asosiy maqsad ekanligi aytilib bu borada qo‘riqlash xizmati afzalliklari ham tushuntirib o‘tildi.
