“ENG YAXSHI VIDEOROLIK” TANLOVINING G‘OLIBLARI ANIQLANDI
O‘zbekiston Respublikasi Milliy gvardiyasi va Respublika maʼnaviyat va maʼrifat markazlari tomonidan “O‘zbekiston Respublikasi Milliy gvardiyasi tizimida maʼnaviy-maʼrifiy ishlar samaradorligini oshirish va sohani rivojlantirish bo‘yicha 2023 yil uchun “Yo‘l xaritasi”da belgilangan “Amir Temur, Jaloliddin Manguberdi, Zahiriddin Muhammad Boburning hayoti, ijodi va harbiy sanʼatini aks ettiruvchi qisqa metrajli “Eng yaxshi videorolik” tanlovining hududiy bosqichlari joriy yilning aprel oyida respublika miqiyosida harbiy xizmatchilar va xodimlar o‘rtasida o‘tkazildi. “3 may – Jahon matbuoti erkinligi kuni” sanasida tanlovning hududiy bosqichlarida g‘olib bo‘lgan videoroliklar respublika bosqichida ishtirok etdi va “Eng yaxshi videorolik”lar aniqlandi. Unga ko‘ra,
- Jaloliddin Manguberdining hayoti, ijodi va harbiy sanʼati aks ettirilgan “Eng yaxshi videorolik” yo‘nalishida Milliy gvardiya Xorazm viloyati bo‘yicha boshqarmasi harbiy xizmatchisi mayor Sardorbek Tursunaliyevning videoroligi g‘olib deb topildi;
- Amir Temurning hayoti, ijodi va harbiy sanʼati aks ettirilgan “Eng yaxshi videorolik” yo‘nalishida Milliy gvardiya Markaziy devoni Axborot xizmati katta ofitseri kapitan Sanjar Ulug‘bekov, mutaxassis-operator serjant Doniyor Arginbayev va Milliy gvardiya Toshkent shahri bo‘yicha boshqarmasi harbiy xizmatchisi katta leytenant Munisa G‘aniyevaning videorolikklari g‘olib deb topildi;
- Zahiriddin Muhammad Boburning hayoti, ijodi va harbiy sanʼati aks ettirilgan “Eng yaxshi videorolik” yo‘nalishida Jamoat xavfsizligi universiteti axborot guruhi harbiy xizmatchilari leytenant Sunnat Maxkamov hamda kichik serjant Kazbek Qurbonovlarning videoroligi g‘olib deb topildi.
G‘oliblar Milliy gvardiya qo‘mondonligi nomidan munosib rag‘batlantirildi.
