“ЭНГ ЯХШИ ВИДЕОРОЛИК” ТАНЛОВИНИНГ ҒОЛИБЛАРИ АНИҚЛАНДИ
Ўзбекистон Республикаси Миллий гвардияси ва Республика маънавият ва маърифат марказлари томонидан “Ўзбекистон Республикаси Миллий гвардияси тизимида маънавий-маърифий ишлар самарадорлигини ошириш ва соҳани ривожлантириш бўйича 2023 йил учун “Йўл харитаси”да белгиланган “Амир Темур, Жалолиддин Мангуберди, Заҳириддин Муҳаммад Бобурнинг ҳаёти, ижоди ва ҳарбий санъатини акс эттирувчи қисқа метражли “Энг яхши видеоролик” танловининг ҳудудий босқичлари жорий йилнинг апрель ойида республика миқиёсида ҳарбий хизматчилар ва ходимлар ўртасида ўтказилди. “3 май – Жаҳон матбуоти эркинлиги куни” санасида танловнинг ҳудудий босқичларида ғолиб бўлган видеороликлар республика босқичида иштирок этди ва “Энг яхши видеоролик”лар аниқланди. Унга кўра,
- Жалолиддин Мангубердининг ҳаёти, ижоди ва ҳарбий санъати акс эттирилган “Энг яхши видеоролик” йўналишида Миллий гвардия Хоразм вилояти бўйича бошқармаси ҳарбий хизматчиси майор Сардорбек Турсуналиевнинг видеоролиги ғолиб деб топилди;
- Амир Темурнинг ҳаёти, ижоди ва ҳарбий санъати акс эттирилган “Энг яхши видеоролик” йўналишида Миллий гвардия Марказий девони Ахборот хизмати катта офицери капитан Санжар Улуғбеков, мутахассис-оператор сержант Дониёр Аргинбаев ва Миллий гвардия Тошкент шаҳри бўйича бошқармаси ҳарбий хизматчиси катта лейтенант Муниса Ғаниеванинг видеороликклари ғолиб деб топилди;
- Заҳириддин Муҳаммад Бобурнинг ҳаёти, ижоди ва ҳарбий санъати акс эттирилган “Энг яхши видеоролик” йўналишида Жамоат хавфсизлиги университети ахборот гуруҳи ҳарбий хизматчилари лейтенант Суннат Махкамов ҳамда кичик сержант Казбек Қурбоновларнинг видеоролиги ғолиб деб топилди.
Ғолиблар Миллий гвардия қўмондонлиги номидан муносиб рағбатлантирилди.
