Og‘ir tan jarohati yetkazib, voqea joyidan qochishga uringan fuqaro ushlandi
Joriy yilning 7 may kuni soat 13:55da Nurafshon shaharlararo Qo‘riqlash bo‘limiga qo‘riqlovda bo‘lgan “Maxsud savdo” OOO ovqatlanish maskanidan “tashvish xabari" kelib tushgan.
Tezkor guruh xodimlari zudlik bilan voqea joyiga yetib borganda ovqatlanish maskani rahbari X.M.ning chap ko‘krak qismiga o‘tkir tig‘li jism (pichoq) bilan tan jarohati yetkazilganligi maʼlum bo‘lgan.
Xodimlar tomonidan chaqirilgan tez yordam orqali shifoxonaga olib ketilayotgan jabrlanuvchi og‘ir jarohati tufayli yo‘lda vafot etgan.
Jinoyat sodir qilib, voqea joyidan yashiringan shaxs tezkor qidiruv ishlari natijasida “Qo‘riqlash” bo‘limi va Ichki ishlar organlari xodimlari tomonidan qo‘lga olingan.
Surishtiruv davomida fuqaro Z.T tanishi X.M bilan o‘zaro tortishib qolib, Matiz avtoulovidan o‘tkir tig‘li jism (oshxona pichoq)ni olib uning chap ko‘krak qismiga bir marotaba sanchganligi aniqlangan.
Mazkur holat bo‘yicha tergov ishlari Ichki ishlar organlari tomonidan olib borilmoqda