Оғир тан жароҳати етказиб, воқеа жойидан қочишга уринган фуқаро ушланди
Жорий йилнинг 7 май куни соат 13:55да Нурафшон шаҳарлараро Қўриқлаш бўлимига қўриқловда бўлган “Махсуд савдо” ООО овқатланиш масканидан “ташвиш хабари" келиб тушган.
Тезкор гуруҳ ходимлари зудлик билан воқеа жойига етиб борганда овқатланиш маскани раҳбари Х.М.нинг чап кўкрак қисмига ўткир тиғли жисм (пичоқ) билан тан жароҳати етказилганлиги маълум бўлган.
Ходимлар томонидан чақирилган тез ёрдам орқали шифохонага олиб кетилаётган жабрланувчи оғир жароҳати туфайли йўлда вафот этган.
Жиноят содир қилиб, воқеа жойидан яширинган шахс тезкор қидирув ишлари натижасида "Қўриқлаш" бўлими ва Ички ишлар органлари ходимлари томонидан қўлга олинган.
Суриштирув давомида фуқаро З.Т таниши Х.М билан ўзаро тортишиб қолиб, Matiz автоуловидан ўткир тиғли жисм (ошхона пичоқ)ни олиб унинг чап кўкрак қисмига бир маротаба санчганлиги аниқланган.
Мазкур ҳолат бўйича тергов ишлари Ички ишлар органлари томонидан олиб борилмоқда