Joriy yilning 31 martdan 1 aprelga o‘tgan kechada taxminan soat 3.00 da 3 nafar nomaʼlum shaxslar yuzlarini tibbiy niqob bilan berkitgan holda, “Captiva” rusumli avtomashinada Samarqand shahar Buyuk Ipak Yo‘li ko‘chasida o‘rnatilgan ATB “Turonbank” filialiga tegishli bo‘lgan bankomat shahobchasiga kelib, bankomatni elektr quvvatidan uzishgan. Bankomatning tarmoqdan uzilganligi haqida “Qo‘riqlash” bo‘limiga “tashvish” xabari kelib tushgach, xodimlar darhol ko‘rsatilgan manzilga yo‘l olgan. Tashqarida vaziyatni kuzatayotgan huquqbuzarlardan biri xizmat avtomashinasining ogohlantiruvchi tovushlarini eshitib, sheriklarini ogohlantirgan va ular o‘g‘irlikni oxiriga yetkazmasdan, hodisa joyidan yashiringan. (Ma`lumot o`rnida:bankomatda mavjud bo‘lgan 300 million so‘mdan ortiq mablag‘ o‘g‘irlanmagan.)

Samarqand shahar Ichki ishlar organlari xodimlari tomonidan olib borilgan tezkor-qidiruv tadbirlari natijasida fuqarolar 33yoshli A.K, 27 yoshli M.E hamda 27 yoshli Gʻ.J qoʻlga olingan va Captiva avtomobili, kiyim-kechak, metall buyumlar, shu jumladan tayoqlar, armatura, montaj va boshqa asboblar ashyoviy dalil sifatida rasmiylashtirilgan.

Yuqorida qayd etilgan maʼlumot bo‘yicha Samarqand Ichki ishlar boshqarmasi tergov bo‘limi tomonidan O‘zbekiston Respublikasi JKning 25-moddasi ("jinoyatga tayyorgarlik ko‘rish va jinoyatga urinish"), 4-qismi, 169-moddasi “A” bandi (“o‘g‘irlik”) bo‘yicha jinoyat ishi qo‘zg‘atildi. Tergov harakatlari davom etmoqda.