“Oilaviy bolalar uylari” yoshlariga “prezident sovg‘asi” topshirildi
Yangi yil bayrami shodiyonalari joylarda tantanali tarzda o‘tkazilmoqda. Jumladan, Qoraqalpog‘iston Respublikasi bo‘yicha Milliy gvardiya boshqarmasi, Qoraqalpog‘iston Respublikasi Xalq ta’limi vazirligi, Xo‘jayli tumani hokimligi, Taxiatosh tumani hokimliklari tashabbusi bilan Xo‘jayli va Taxiatosh tumanlarida joylashgan “Oilaviy Bolalar uylari”ning yoshlariga “Prezident sovg‘alari” topshirildi.
Bayram tadbirida mehmonlar xonadonlarga tashrif buyurib, bolajonlar bilan suhbatlashishdi. Qoraqalpog‘iston Respublikasi bo‘yicha Milliy gvardiya boshqarmasi boshlig‘i polkovnik M.Yusupov so‘zga chiqib, yoshlarga iliq tilaklarini bildirib, kirib kelayotgan Yangi 2022 yil bilan tabrikladi.
Undan so‘ng, sobiq Mehribonlik uyi direktori S.Son bolajonlarga ezgu tilaklarini bildirib, yurtimiz rivoji uchun munosib hissasini qo‘shadigan yoshlar bo‘lib yetishishini tilab qoldi.
Iliq tilaklardan so‘ng, tashkilotchilar tomonidan bolajonlarga tantanali tarzda “Prezident sovg‘alari” topshirildi.
