Oliy harbiy taʼlim muassasalarini 2024 yilda tamomlagan yosh ofitserlar tarkibi bilan o‘tkazilgan o‘quv-uslubiy yig‘in
2024 yilda Oliy harbiy taʼlim muassasalarini tamomlab, keyingi xizmat faoliyatini davom ettirish uchun bo‘linmalarga kelgan yosh ofitserlar tarkibi bilan 29 iyul kunidan 10 avgust kuniga qadar Milliy gvardiya Navoiy viloyati bo‘yicha boshqarmasiga qarashli “Karmana” dala o‘quv markazi hududida o‘quv-uslubiy yig‘in yuqori saviyada va samarali tashkillashtirilib o‘tkazildi.
O‘quv-uslubiy yig‘in mashg‘ulotlari tasdiqlangan dars jadvali asosida Milliy gvardiya Markaziy devoni boshqarma, bo‘lim, xizmat boshliqlari va bo‘linmalardan ilg‘or tajribaga ega bo‘lgan ofitserlarni jalb etgan holda tashkillashtirildi.
O‘quv-uslubiy yig‘in davomida Milliy gvardiya bo‘linmalarining vazifalari, xizmat faoliyati asoslari, jangovar va maxsus tayyorgarlikni tashkillashtirish hamda o‘tkazish tartibi, shaxsiy tarkibni axloqiy-ruhiy sifatlarini mustahkamlash, jinoyatchilik
va huquqbuzarliklarni oldini olish, yuklatilgan jangovar va xizmat vazifalarni bajarishda bo‘linmani, shaxsiy tarkibni mohirlik bilan boshqarish hamda bo‘linmalaridagi mavjud bo‘lgan
qurol-aslaha, harbiy texnika va maxsus vositalarni qo‘llash tartibi bo‘yicha mashg‘ulotlar o‘tkazildi.
O‘quv yig‘ini mashg‘ulotlari jangovar vaziyatlarga yaqinlashtirilib, dala sharoitida intensiv uslubda kun davomida jismoniy yuklamalarni berish orqali yosh ofitserlarning chidamlilik qobilyati oshirildi.
