Олий ҳарбий таълим муассасаларини 2024 йилда тамомлаган ёш офицерлар таркиби билан ўтказилган ўқув-услубий йиғин
2024 йилда Олий ҳарбий таълим муассасаларини тамомлаб, кейинги хизмат фаолиятини давом эттириш учун бўлинмаларга келган ёш офицерлар таркиби билан 29 июль кунидан 10 август кунига қадар Миллий гвардия Навоий вилояти бўйича бошқармасига қарашли “Кармана” дала ўқув маркази ҳудудида ўқув-услубий йиғин юқори савияда ва самарали ташкиллаштирилиб ўтказилди.
Ўқув-услубий йиғин машғулотлари тасдиқланган дарс жадвали асосида Миллий гвардия Марказий девони бошқарма, бўлим, хизмат бошлиқлари ва бўлинмалардан илғор тажрибага эга бўлган офицерларни жалб этган ҳолда ташкиллаштирилди.
Ўқув-услубий йиғин давомида Миллий гвардия бўлинмаларининг вазифалари, хизмат фаолияти асослари, жанговар ва махсус тайёргарликни ташкиллаштириш ҳамда ўтказиш тартиби, шахсий таркибни ахлоқий-руҳий сифатларини мустаҳкамлаш, жиноятчилик
ва ҳуқуқбузарликларни олдини олиш, юклатилган жанговар ва хизмат вазифаларни бажаришда бўлинмани, шахсий таркибни моҳирлик билан бошқариш ҳамда бўлинмаларидаги мавжуд бўлган
қурол-аслаҳа, ҳарбий техника ва махсус воситаларни қўллаш тартиби бўйича машғулотлар ўтказилди.
Ўқув йиғини машғулотлари жанговар вазиятларга яқинлаштирилиб, дала шароитида интенсив услубда кун давомида жисмоний юкламаларни бериш орқали ёш офицерларнинг чидамлилик қобиляти оширилди.
