Qo‘qon shahri hududidagi bozorlarning birida sodir etilgan o‘g‘irlik jinoyati fosh etildi.
Joriy yilning 16 yanvar kuni, Qo‘qon shahar hududida joylashgan bozorlarda jamoat tartibini saqlash uchun xizmat vazifasini o‘tayotgan Milliy gvardiya xodimlariga fuqaro Sh.A. murojaat qilib, sumkasida bo‘lgan 1 360 000 so‘m pullarini nomaʼlum shaxs tomonidan o‘g‘irlab ketilganini maʼlum qilgan.
Amalga oshirilgan tezkor tadbirlar natijasida, o‘g‘irlikka qo‘l urgan ushbu shaxs bozor hududidan chiqib ketmasidan oldin daliliy ashyolar bilan qo‘lga olingan.
Ushbu shaxs Qo‘qon shahrida yashovchi fuqaro X.S. ekanligi maʼlum bo‘lib, hozirda holat yuzasidan IIB xodimlari tomonidan surishtiruv ishlari davom ettirilmoqda.
