Yangi O‘zbekistonga qanot bo‘lamiz” ijodiy ishlar tanlovining respublika bosqichi 2022 yilning 14-18 mart kunlari Toshkent shahrida tashkil etildi. Mazkur bosqich Temurbeklar maktablari va “Yosh chegarachi” harbiy-akademik litseylarining 1 va 2 kurslaridan 33 nafar o‘quvchilar o‘rtasida qizg‘in bellashuvlarga boy tarzda bo‘lib o‘tdi.

“Yangi O‘zbekistonga qanot bo‘lamiz” ijodiy ishlar tanlovining respublika bosqichida ishtirok etgan barcha o‘quvchilarga Prezident sovg‘asi noutbuk va kitoblar to‘plami topshirildi. Ishtirokchilar turli nominatsiyalar bo‘yicha ham baholanib, unda Milliy gvardiya Toshkent shahar “Temurbeklar maktabi”ning 1 kurs o‘quvchisi Sharipov Ibratbek Xushnud o‘g‘li “Siyosiy savodxonligi uchun” nominatsiyasi g‘olibi hamda 2 kurs o‘quvchisi Jamoliddinov Firdavs Doniyor o‘g‘li “Faol siyosiy qarashlari uchun” nominatsiya g‘olibi deb topildilar.

Faxrli birinchi o‘rin 1-kurs o‘quvchilari o‘rtasida yaʼni mutloq g‘oliblik, Milliy gvardiya Toshkent shahar “Temurbeklar maktabi” harbiy-akademik litseyi o‘quvchisi Baxtiyor Xibziddinovga, nasib etdi. Unga 1-darajali Diplom va O‘zbekiston kasaba uyushmalari Federatsiyasi tomonidan 30 million so‘mdan pul mukofoti topshirildi. Batafsil

Milliy gvardiya qo‘mondonligi va shaxsiy tarkibi nomidan “Yangi O‘zbekistonga qanot bo‘lamiz” ijodiy ishlar tanlovida Milliy gvardiya Toshkent shahar “Temurbeklar maktabi” sharafini munosib himoya qilib, faol ishtirok etgan va g‘olibliklikni qo‘lga kiritgan o‘quvchilarimizni ushbu zafarli qadamlari bilan samimiy muborakbod etamiz!