”ЯНГИ ЎЗБЕКИСТОНГА ҚАНОТ БЎЛАМИЗ” ИЖОДИЙ ИШЛАР ТАНЛОВИНИНГ РЕСПУБЛИКА БОСҚИЧИ ҒОЛИБЛАРИ АНИҚЛАНДИ ВА УНДА МИЛЛИЙ ГВАРДИЯ ТОШКЕНТ ШАҲАР “ТЕМУРБЕКЛАР МАКТАБИ” НИНГ 1 КУРС ЎҚУВЧИСИ МУТЛОҚ ҒОЛИБ ДЕБ ТОПИЛДИ
Янги Ўзбекистонга қанот бўламиз” ижодий ишлар танловининг республика босқичи 2022 йилнинг 14-18 март кунлари Тошкент шаҳрида ташкил этилди. Мазкур босқич Темурбеклар мактаблари ва “Ёш чегарачи” ҳарбий-академик лицейларининг 1 ва 2 курсларидан 33 нафар ўқувчилар ўртасида қизғин беллашувларга бой тарзда бўлиб ўтди.
“Янги Ўзбекистонга қанот бўламиз” ижодий ишлар танловининг республика босқичида иштирок этган барча ўқувчиларга Президент совғаси ноутбук ва китоблар тўплами топширилди. Иштирокчилар турли номинациялар бўйича ҳам баҳоланиб, унда Миллий гвардия Тошкент шаҳар “Темурбеклар мактаби”нинг 1 курс ўқувчиси Шарипов Ибратбек Хушнуд ўғли “Сиёсий саводхонлиги учун” номинацияси ғолиби ҳамда 2 курс ўқувчиси Жамолиддинов Фирдавс Дониёр ўғли “Фаол сиёсий қарашлари учун” номинация ғолиби деб топилдилар.
Фахрли биринчи ўрин 1-курс ўқувчилари ўртасида яъни мутлоқ ғолиблик, Миллий гвардия Тошкент шаҳар “Темурбеклар мактаби” ҳарбий-академик лицейи ўқувчиси Бахтиёр Хибзиддиновга, насиб этди. Унга 1-даражали Диплом ва Ўзбекистон касаба уюшмалари Федерацияси томонидан 30 миллион сўмдан пул мукофоти топширилди. Батафсил
Миллий гвардия қўмондонлиги ва шахсий таркиби номидан “Янги Ўзбекистонга қанот бўламиз” ижодий ишлар танловида Миллий гвардия Тошкент шаҳар “Темурбеклар мактаби” шарафини муносиб ҳимоя қилиб, фаол иштирок этган ва ғолибликликни қўлга киритган ўқувчиларимизни ушбу зафарли қадамлари билан самимий муборакбод этамиз!
