ULOQ-KO‘PKARI O‘YINLARI MINTAQAVIY BOSQICHI G‘OLIBLARI ANIQLANMOQDA
Avval xabar berilganidek, “O‘zbekiston yoshlari forumi – 2021” haftaligi doirasida hududlarda Milliy gvardiya, Uloq ko‘pkari federatsiyasi, O‘zbekiston yoshlar ittifoqi, Yoshlar ishlari agentligi, Turizm va sport vazirligi hamkorligida yosh chavandozlar o‘rtasida Uloq-ko‘pkari sport musobaqasi o‘tkazilmoqda.Musobaqaning hududiy bosqichlari 15 dekabr kuniga qadar o‘tkazilib, g‘oliblar, mintaqaviy bosqichiga yo‘llanmani qo‘lga kiritishdi.
Musobaqaning mintaqaviy bosqichi bugun 4 ta viloyat yosh chavandozlari uchun (Samarqand, Jizzax, Surxondaryo va Qashqadaryo viloyatlari) Samarqand viloyati Jomboy tumani, “Qo‘ng‘irot” mahallasi hududidagi ot chopari (ko‘p-kari maydoni)da uloq-ko‘pkari o‘yinlari mintaqaviy bosqichi o‘tkazilmoqda. Uloq-ko‘pkari o‘yinlari mintaqaviy bosqichida jami 48 nafar yosh chavandozlar mintaqaviy bosqich g‘olibligi uchun kurash olib bordilar.
Musobaqa natijalariga ko‘ra 1-o‘rinni Samarqand viloyatining “Afrosiyob” jamoasi, 2-o‘rinni Jizzax viloyatining "Manguberdi jamoasi 3-o‘rinni Qashqadaryo viloyat jamoalari qo‘lga kiritishdi.
G‘oliblikni qo‘lga kiritgan mohir chavandozlar tashkilotchilarning diplom, pul mukofotlari va qimmatbaho sovrinlari bilan rag‘batlantirildi.
