УЛОҚ-КЎПКАРИ ЎЙИНЛАРИ МИНТАҚАВИЙ БОСҚИЧИ ҒОЛИБЛАРИ АНИҚЛАНМОҚДА
Аввал хабар берилганидек, “Ўзбекистон ёшлари форуми – 2021” ҳафталиги доирасида ҳудудларда Миллий гвардия, Улоқ кўпкари федерацияси, Ўзбекистон ёшлар иттифоқи, Ёшлар ишлари агентлиги, Туризм ва спорт вазирлиги ҳамкорлигида ёш чавандозлар ўртасида Улоқ-кўпкари спорт мусобақаси ўтказилмоқда.Мусобақанинг ҳудудий босқичлари 15 декабрь кунига қадар ўтказилиб, ғолиблар, минтақавий босқичига йўлланмани қўлга киритишди.
Мусобақанинг минтақавий босқичи бугун 4 та вилоят ёш чавандозлари учун (Самарқанд, Жиззах, Сурхондарё ва Қашқадарё вилоятлари) Самарқанд вилояти Жомбой тумани, “Қўнғирот” маҳалласи ҳудудидаги от чопари (кўп-кари майдони)да улоқ-кўпкари ўйинлари минтақавий босқичи ўтказилмоқда. Улоқ-кўпкари ўйинлари минтақавий босқичида жами 48 нафар ёш чавандозлар минтақавий босқич ғолиблиги учун кураш олиб бордилар.
Мусобақа натижаларига кўра 1-ўринни Самарқанд вилоятининг "Афросиёб" жамоаси, 2-ўринни Жиззах вилоятининг "Мангуберди жамоаси 3-ўринни Қашқадарё вилоят жамоалари қўлга киритишди.
Ғолибликни қўлга киритган моҳир чавандозлар ташкилотчиларнинг диплом, пул мукофотлари ва қимматбаҳо совринлари билан рағбатлантирилди.
