O‘QUVCHILAR IQTIDORINI NAMOYON ETGAN TANLOV
Hozirda respublikamiz bo‘ylab barcha umumta’lim maktablari o‘quvchi-yoshlari ishtirokidagi ma’naviy-ma’rifiy kechalar va ijodiy uchrashuvlar bo‘lib o‘tmoqda. Aynan shunday tadbirlardan biri Navoiy shahridagi 16-sonli umumta’lim maktabida Milliy gvardiya Navoiy viloyati bo‘yicha boshqarmasi Xotin-qizlar jamoatchilik kengashi bilan hamkorlikda “Ayol borki, olam munavvar” mavzusida tashkil etildi.
Bundan ko‘zlangan asosiy maqsad o‘quvchilarning bo‘sh vaqtlarini mazmunli tashkil etish, ularda o‘ziga bo‘lgan ishonchni va ijtimoiy faolligini oshirishdan iboratdir. Albatta, mazkur tadbir yoshlarimizni kasbga yo‘naltirish va kelajakda o‘z o‘rinlarini topishga ham xizmat qiladi.
Mazkur tadbirda 9-sinf o‘quvchi qizlaridan iborat jami 4 ta guruh ishtirok etdi. Unda ishtirokchilar o‘zlarini tanishtirish, pazandachilik, tezkor-savol javob hamda ijodiy mavzularda mahoratlarini sinab ko‘rishdi. Tanlov ishtirokchilarining har bir chiqishlari hakamlar hay’ati tomonidan munosib baholandi.
Vatan tuyg‘usi va ona mehrini madh etuvchi she’r hamda qo‘shiqlar o‘quvchi-yoshlar qalbida vatanparvarlik hissini yanada jo‘sh urdirdi.
Mazkur bellashuvda yuqori natijalarga erishgan ishtirokchilar tashkilotchilar tomonidan maxsus diplom va esdalik sovg‘alari bilan taqdirlandilar.
