OT SPORTI TO‘GARAGI SAMARALI FAOLIYAT YURITMOQDA
Mamlakatimiz taraqqiyoti har tomonlama unib o‘sib kelayotgan yosh avlodning ta'lim tarbiyasi, ma'naviyati va madaniyati bilan chambarchas bog‘liqdir. Yurtimizda yoshlarga qaratilayotgan e'tibor, respublikamizda olib borilayotgan siyosatning eng ustuvor yo‘nalishlaridan biri hisoblanadi. Aynan shu sababdan so‘ngi yillarda, vatanimiz kelajagi bo‘lgan yoshlar masalasiga, ustuvor vazifa sifatida katta e'tibor qaratib kelinmoqda.
Xususan, Milliy gvardiya Farg‘ona viloyati bo‘yicha boshqarmasi va Qo‘riqlash boshqarmasi tomonidan harbiy xizmatchi va xodimlarning oila a'zolari va farzandlarining ot sportiga bo‘lgan qiziqishlarini oshirish maqsadida o‘quv-amaliy mashg‘ulot o‘tkazildi. Bunda yoshlarga otga minish, otda harakatlanish va mazkur sportning turlari to‘g‘risida tushunchalar berildi.
Shuningdek, yoshlarni yozgi ta'til vaqtlarini mazmunli o‘tkazish yuzasidan, ot sport majmuasida to‘garak tashkil etilgan bo‘lib, hozirgi kunda 20 dan ortiq yoshlar ushbu to‘garakka jalb etilgan.
