OT SPORTI BO‘YIChA MUSOBAQA G‘OLIBLARI MUNOSIB TAQDIRLANDI
Mamlakatimizda yilqichilik, ot sporti, zamonaviy beshkurash va poloni rivojlantirish bo‘yicha Milliy gvardiya harbiy qism va muassasalarida ot sportiga alohida e'tibor qaratilib, turli musobaqalar tashkil etilmoqda.
Xususan, kuni kecha Toshkent viloyatining Yuqori Chirchiq tumanida joylashgan Faxriy qorovul bo‘linmasining kavaleriya eskadroni bazasida ot sportining “Ot ustida kurash” va “Ot ustida estafeta” “Ot yo‘rttirish” turlari bo‘yicha Milliy gvardiya tizimida respublika birinchiligi o‘tkazildi.
Mazkur musobaqa Milliy gvardiya bo‘linmalari o‘rtasida 3 bosqichda: “Ot ustida kurash”, “Ot ustida estafeta”, “Ot yo‘rttirish” shartlari bo‘yicha o‘tkazildi. Tadbirga Toshkent shahrida joylashgan “Prezident maktabi” va “Al Xorazmiy nomidagi ixtisoslashtirilgan maktab” o‘quvchilari, mahalliy yoshlar hamda harbiy xizmatchilar taklif etildi.
Musobaqa qizg‘in va murosasiz bahslarga boy bo‘lib, 3-o‘rinni Toshkent shahri, 2-o‘rinni Jizzax viloyati, 1-o‘ringa esa Andijon viloyati jamoasi sazovor bo‘ldi.
G‘oliblar tashkilotchilar tomonidan munosib taqdirlandi.
