ОТ СПОРТИ БЎЙИЧА МУСОБАҚА ҒОЛИБЛАРИ МУНОСИБ ТАҚДИРЛАНДИ
Мамлакатимизда йилқичилик, от спорти, замонавий бешкураш ва полони ривожлантириш бўйича Миллий гвардия ҳарбий қисм ва муассасаларида от спортига алоҳида эътибор қаратилиб, турли мусобақалар ташкил этилмоқда.
Хусусан, куни кеча Тошкент вилоятининг Юқори Чирчиқ туманида жойлашган Фахрий қоровул бўлинмасининг кавалерия эскадрони базасида от спортининг “От устида кураш” ва “От устида эстафета” “От йўрттириш” турлари бўйича Миллий гвардия тизимида республика биринчилиги ўтказилди.
Мазкур мусобақа Миллий гвардия бўлинмалари ўртасида 3 босқичда: “От устида кураш”, “От устида эстафета”, “От йўрттириш” шартлари бўйича ўтказилди. Тадбирга Тошкент шаҳрида жойлашган “Президент мактаби” ва “Ал Хоразмий номидаги ихтисослаштирилган мактаб” ўқувчилари, маҳаллий ёшлар ҳамда ҳарбий хизматчилар таклиф этилди.
Мусобақа қизғин ва муросасиз баҳсларга бой бўлиб, 3-ўринни Тошкент шаҳри, 2-ўринни Жиззах вилояти, 1-ўринга эса Андижон вилояти жамоаси сазовор бўлди.
Ғолиблар ташкилотчилар томонидан муносиб тақдирланди.
