OT SPORTINING KONKUR TURI BO‘YICHA MUSOBAQA O‘TKAZILDI
Joriy yilning 24 sentyabr kuni Milliy gvardiya ot sporti bo‘yicha Respublika oliy sport mahorati maktabida konkur yo‘nalishida navbatdagi musobaqa o‘tkazilib, unda 50 ga yaqin sportchilar ishtirok etdi.
Bellashuvda nafaqat poytaxtimiz yoshlari, balki konkur yo‘nalishiga qiziqishi baland bo‘lgan viloyatlarda tashkil etilgan chavandozlik maktablaridan ham sportchilar o‘z imkoniyatlarini sinovdan o‘tkazdi.
Tadbir so‘ngida g‘olib va sovrindor bo‘lgan sportchilar tashkilotchilar tomonidan munosib rag‘batlantirildi.
Mazkur musobaqa Respublika birinchiligi va xalqaro turnirlar, Ispaniyada bo‘lib o‘tadigan jahon ligasi oldidan sportchilarni saralash hamda tayyorgarlik ko‘rishga zamin yaratdi.
