Ot sportiga doir amaliy tadbirlar davom etmoqda.
Milliy gvardiya Navoiy viloyati bo‘yicha boshqarmasi harbiy xizmatchilari tomonidan yoshlarni bo‘sh vaqtlarini samarali tashkil etish maqsadida harbiy qism otxonasi maydonchasida havaskor va uyushmagan yoshlar o‘rtasida amaliy o‘quv mashg‘uloti o‘tkazildi. Ushbu o‘quv mashg‘ulotda harbiy xizmatchilar tomonidan yoshlarga tulporga minish, erkin harakatlanish, ularni parvarish qilish, emlash tartibi hamda kunlik ratsioni haqida nazariy va amaliy maʼlumotlar berib borildi.
Yoshlarni sportga bo‘lgan qiziqishini oshirish yo‘lida amalga oshirilayotgan bu kabi ishlar ularning kelgusida ruhan sog‘lom va barkamol avlod bo‘lib yetishishiga dasturi amal bo‘lib xizmat qiladi. Qolaversa, mamlakatda ot sportini hamda zamonaviy beshkurash va polo sport turlarini aholi o‘rtasida eng ommaviy sport turlaridan biriga aylantirish, iqtidorli yoshlarni tanlash, saralab olish va ularni professional sportchilar sifatida tayyorlash tizimini yo‘lga qo‘yishga ko‘mak beradi.
