OT SPORTINI RIVOJLANTIRISH BO‘YICHA XALQARO HAMKORLIK
O‘zbekiston Respublikasi Milliy gvardiyasi hamda O‘zbekiston Uloq-ko‘pkari federatsiyasi hamkorligida mamlakatimizda mehmon bo‘lib turgan Vengriya Respublikasi “Turon jamg‘armasi” Prezidenti doktor Andras Biro Jult bilan uchrashuv tashkil etildi.
Suhbat davomida A.B.Jult Milliy gvardiya mamlakatda jamoat xavfsizligini taʼminlash bilan bir qatorda, yoshlar o‘rtasida ot sportini rivojlantirish hamda Mehribonlik uylaridagi bolalarni tarbiyalash, ularning muammolarini hal yetish borasida amalga oshirilayotgan ishlarni alohida taʼkidlab, tadbir ishtirokchilarini har yili Vengriyaning Budapesht shahrida bo‘lib o‘tadigan xalqaro ko‘rgazmaga taklif etdi.
Tadbir yakunida polkovnik A.Chudin Milliy gvardiya ot sporti bo‘yicha kadrlarni tayyorlash hamda anjom-aslahalar bilan taʼminlash yo‘nalishida hamkorlikka tayyorligini bildirib o‘tdi.
